فوتو: "پلوششاد "سۆوبودى"
قازاقستاندىق بٸلٸم بەرۋ ۇيىمدارىندا تاماقتانۋ ساپاسىنا كٷندەلٸكتٸ مونيتورينگ جٷرگٸزۋ جٷيەسٸ ٸسكە قوسىلدى. بۇل تۋرالى قر ٷكٸمەتٸنٸڭ وتىرىسىندا وقۋ-اعارتۋ مينيسترٸ عاني بەيسەمباەۆ مەلٸمدەدٸ, دەپ حابارلايدى Ult.kz.
مينيستردٸڭ ايتۋىنشا, 2023 جىلى مەكتەپتەردەگٸ تاماقتاندىرۋ ستاندارتتارى دٷنيەجٷزٸلٸك دەنساۋلىق ساقتاۋ ۇيىمىنىڭ تالاپتارىنا سەيكەس قايتا قارالدى. ەندٸ مەكتەپ اسپازدارىنا قويىلاتىن بٸلٸكتٸلٸك تالاپتارى كٷشەيتٸلدٸ, ال ٶنٸم جەتكٸزۋشٸلەردٸڭ سانيتارلىق قورىتىندىسى بولۋى مٸندەتتٸ. سونىمەن قاتار, اسحانالارعا بەينەباقىلاۋ ورناتۋ تالاپ ەتٸلدٸ.
مينيسترلٸك «ەلەۋمەتتٸك ەمييان» جوباسى ارقىلى تەگٸن تاماق الاتىن وقۋشىلاردى اۆتوماتتى تٷردە ەسەپكە الۋ جٷيەسٸن دە ٸسكە قوستى. دەنساۋلىق ساقتاۋ مينيسترلٸگٸمەن بٸرلەسٸپ, مەكتەپ تاماقتانۋىنىڭ جاڭا ستاندارتىن ەزٸرلەۋ جوسپارلانۋدا, ونى 2025 جىلى ەنگٸزۋ كٶزدەلٸپ وتىر.
رەسپۋبليكالىق مونيتورينگ بارىسىندا زاڭناما تالاپتارىنىڭ بۇزىلعان 771 فاكتٸسٸ انىقتالدى. مينيسترلٸك مەكتەپتەردە تاماقتاندىرۋدى ۇيىمداستىرۋعا جەتكٸلٸكسٸز كٶڭٸل بٶلگەن ٶڭٸرلەردٸ, سونىڭ ٸشٸندە جامبىل, ماڭعىستاۋ, الماتى, اتىراۋ وبلىستارى مەن شىمكەنت قالاسىن اتادى.
سونىمەن قاتار, ٶنٸم جەتكٸزۋشٸلەردٸ ٸرٸكتەۋ تالاپتارىن بۇزعانى ٷشٸن لاۋازىمدى تۇلعالاردى ەكٸمشٸلٸك جاۋاپكەرشٸلٸككە تارتۋ مٷمكٸندٸگٸ قاراستىرىلۋدا.
بۇل شارالار مەكتەپتەردە تاماقتانۋ ساپاسىن ارتتىرىپ, بالالاردىڭ دەنساۋلىعىن قورعاۋعا باعىتتالعان.
