Foto: "Ploshad "Svobody"
Qazaqstandyq bilim berý uiymdarynda tamaqtaný sapasyna kúndelikti monitoring júrgizý júiesi iske qosyldy. Bul týraly QR Úkimetiniń otyrysynda Oqý-aǵartý ministri Ǵani Beisembaev málimdedi, dep habarlaidy Ult.kz.
Ministrdiń aitýynsha, 2023 jyly mektepterdegi tamaqtandyrý standarttary Dúniejúzilik densaýlyq saqtaý uiymynyń talaptaryna sáikes qaita qaraldy. Endi mektep aspazdaryna qoiylatyn biliktilik talaptary kúsheitildi, al ónim jetkizýshilerdiń sanitarlyq qorytyndysy bolýy mindetti. Sonymen qatar, ashanalarǵa beinebaqylaý ornatý talap etildi.
Ministrlik «Áleýmettik ámiian» jobasy arqyly tegin tamaq alatyn oqýshylardy avtomatty túrde esepke alý júiesin de iske qosty. Densaýlyq saqtaý ministrligimen birlesip, mektep tamaqtanýynyń jańa standartyn ázirleý josparlanýda, ony 2025 jyly engizý kózdelip otyr.
Respýblikalyq monitoring barysynda zańnama talaptarynyń buzylǵan 771 faktisi anyqtaldy. Ministrlik mektepterde tamaqtandyrýdy uiymdastyrýǵa jetkiliksiz kóńil bólgen óńirlerdi, sonyń ishinde Jambyl, Mańǵystaý, Almaty, Atyraý oblystary men Shymkent qalasyn atady.
Sonymen qatar, ónim jetkizýshilerdi irikteý talaptaryn buzǵany úshin laýazymdy tulǵalardy ákimshilik jaýapkershilikke tartý múmkindigi qarastyrylýda.
Bul sharalar mektepterde tamaqtaný sapasyn arttyryp, balalardyń densaýlyǵyn qorǵaýǵa baǵyttalǵan.
