فوتو: massaget.kz
ەلٸمٸزدٸڭ وقۋشىلارى Cوڭعى قوڭىراۋ مەرەكەسٸن 1 ماۋسىم كٷنٸ اتاپ ٶتەدٸ. بۇل تۋرالى وقۋ-اعارتۋ مينيسترلٸگٸ ورتا بٸلٸم كوميتەتٸنٸڭ تٶراعاسى گٷلميرا كەرٸموۆا ايتتى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
"بارلىق قازاقستاندىق مەكتەپتە وقۋ جىلىنىڭ ۇزاقتىعى - 36 اپتا. دەستٷر بويىنشا, وقۋ جىلىنىڭ بٸرٸنشٸ كٷنٸ - 1 قىركٷيەك, ال بيىلدان باستاپ سوڭعى وقۋ كٷنٸ - 31 مامىر. بۇل كٷنٸ وقۋشىلاردىڭ جاس ەرەكشەلٸگٸنە سەيكەس, ساباقتارمەن قاتار, ساباقتان تىس شارالار ٶتكٸزٸلەدٸ. 1 ماۋسىم - جازعى كانيكۋلدىڭ العاشقى كٷنٸ, سونىمەن بٸرگە بۇل كٷنٸ بالالاردى قورعاۋ كٷنٸمەن قاتار, مەكتەپتەردە سوڭعى قوڭىراۋ مەرەكەسٸ ٶتكٸزٸلەدٸ", - دەيدٸ ول ۆيدەودا.
ايتا كەتەيٸك, كەشە مەجٸلٸستٸڭ جالپى وتىرىسىندا دەپۋتات امانجول ەلتاي مەكتەپتەردەگٸ سوڭعى قوڭىراۋ كٷنٸن 30 مامىرعا نەمەسە 1 ماۋسىمعا اۋىستىرۋدى سۇراعان ەدٸ.
«ەلٸمٸزدە 31 مامىر اشارشىلىق جەنە ساياسي قۋعىن-سٷرگٸن قۇرباندارىن ەسكە الۋ كٷنٸ بولىپ بەلگٸلەندٸ. بۇل كٷنٸ الاش ارىستارىنىڭ رۋحىنا جاساپ جٷرگەن قۇرمەتٸمٸز ولاردىڭ ەسكەرتكٸشتەرٸ مەن مەموريالدىق ورىندارعا گٷل شوعىن قويۋدان اسپاي تۇر. قر وقۋ-اعارتۋ مينيسترٸنٸڭ 2022 جىلعى 12 تامىزداعى № 363 بۇيرىعىنا سەيكەس, ورتا بٸلٸم بەرەتٸن مەكتەپتەردەگٸ سوڭعى قوڭىراۋ 31 مامىر بولىپ بەكٸتٸلٸپ وتىر. الاش ارىستارىنىڭ اماناتىن ۇرپاق ساناسىنا سٸڭٸرۋگە تيٸس مينيسترلٸكتٸڭ 31 مامىر كٷنٸنٸڭ ماڭىزىنا مەن بەرمەگەنٸ قانداي ٶكٸنٸشتٸ?! ارىستارىمىزدىڭ رۋحىنا بٸر كٷندٸ دە تولىق قيماي, اپىل-عۇپىل ازا تۇتقانسىپ, ٸلە-شالا توي تويلاپ, دۋمانداتىپ كەتە بەرەتٸن بولساق, ەلدٸگٸمٸز قايسى?! سوندىقتان مەكتەپتەردەگٸ سوڭعى قوڭىراۋ كٷنٸن 30 مامىرعا, نە بولماسا 1 ماۋسىمعا اۋىستىرۋ كەرەك. بۇل – ەشقانداي تالقىلاۋدى قاجەت ەتپەيتٸن ەدٸلەتتٸ تالاپ», - دەدٸ امانجول ەلتاي ٷكٸمەت باسشىسىنىڭ ورىنباسارى التاي كٶلگٸنوۆتىڭ اتىنا جولداعان ساۋالىندا.
