فوتو: Pexels.com
2025 جىلدان باستاپ بارلىق ٶڭٸردەگٸ بالاباقشالاردا ۆاۋچەرلٸك قارجىلاندىرۋ ەنگٸزۋ جوسپارلانىپ وتىر. بۇل تۋرالى مەجٸلٸس دەپۋتاتتارىنىڭ ساۋالىنا جاۋاپ رەتٸندە پرەمەر-مينيستردٸڭ ورىنباسارى تامارا دٷيسەنوۆا مەلٸمدەدٸ, دەپ حابارلايدى Ult.kz.
ۆيتسە-پرەمەردٸڭ ايتۋىنشا, مەكتەپكە دەيٸنگٸ بٸلٸمنٸڭ قولجەتٸمدٸلٸگٸن ارتتىرۋ ماقساتىندا بالاباقشالاردا ۆاۋچەرلٸك قارجىلاندىرۋ بويىنشا پيلوتتىق جوبا ٸسكە قوسىلعان. بۇل جوبا اياسىندا:
- - اتا-انالار بالاباقشانى ٶزدەرٸ تاڭداي الادى;
- - مەنشٸك تٷرٸنە قاراماستان بارلىق مەكتەپكە دەيٸنگٸ ۇيىمدار زاڭدا كٶرسەتٸلگەن تالاپتارعا ساي بولعان جاعدايدا مەملەكەتتٸك تاپسىرىسقا ٶتٸنٸش بەرۋگە قۇقىلى;
- - قارجىلاندىرۋ بالانىڭ بالاباقشاعا ناقتى كەلۋٸنە قاراي بٶلٸنەدٸ («بالانىڭ سوڭىنان اقشا» قاعيداتى);
- - بۇل ەدٸس سىبايلاس جەمقورلىق تەۋەكەلدەرٸن ازايتادى.
«تاراز قالاسىندا جٷزەگە اسقان جوبانىڭ نەتيجەسٸندە 2 ايدىڭ ٸشٸندە (تامىز-قىركٷيەك) 600 ملن تەڭگە ٷنەمدەلٸپ, بالاباقشاعا كەلمەيتٸن بالالار الىنىپ تاستالدى. ەڭ ماڭىزدىسى, بٸرنەشە جىل بويى كەزەكتە تۇرعان 2 جاستان اسقان 17 مىڭنان استام بالاعا ورىن تابىلدى. قازٸرگٸ ۋاقىتتا پيلوتتىق جوبا شىمكەنت قالاسى مەن تٷركٸستان وبلىسىندا جالعاسۋدا, ال كەلەسٸ جىلدان باستاپ ونى بارلىق ٶڭٸردە كەزەڭ-كەزەڭٸمەن ەنگٸزۋ كٶزدەلٸپ وتىر. پيلوتتى جٷزەگە اسىرۋ كەزٸندە مەكتەپكە دەيٸنگٸ ۇيىمداردىڭ جابىلۋ جاعدايى تٸركەلمەدٸ, تەك بالا كەلمەۋٸنە نەمەسە جالعان مەلٸمەتتەرگە بايلانىستى قارجىلاندىرۋ كٶلەمٸ تٶمەندەدٸ», – دەدٸ تامارا دٷيسەنوۆا.
ونىڭ سٶزٸنشە, 2024 جىلدىڭ 13 تامىزىندا «اتامەكەن» ۇكپ شەڭبەرٸندە مەكتەپكە دەيٸنگٸ ۇيىمدارعا ۆاۋچەرلٸك جٷيەنٸ ەنگٸزۋ تالقىلاندى. بۇل كەزدەسۋگە جەكەمەنشٸك بالاباقشالاردىڭ قۇرىلتايشىلارى, قاۋىمداستىقتار جەنە ٶڭٸرلٸك كەسٸپكەرلەر پالاتالارى قاتىستى.
«جوبا قاتىسۋشىلارى پيلوتتىق جوبانى قولدادى جەنە ۆاۋچەرلٸك قارجىلاندىرۋعا كٶشۋ مەكتەپكە دەيٸنگٸ تەربيە مەن وقىتۋعا مەملەكەتتٸك تاپسىرىستىڭ اشىقتىعىن قامتاماسىز ەتەتٸنٸنە كەلٸستٸ. وسىعان بايلانىستى ۆاۋچەرلٸك قارجىلاندىرۋ پيلوتتىق جوباسىنىڭ ٸسكە اسىرىلۋى جالعاسادى», – دەپ تولىقتىردى ۆيتسە-پرەمەر.
