تەحنولوگييالاردىڭ قارقىندى دامۋى, ەڭبەك نارىعى تالاپتارىنىڭ ٶزگەرۋٸ جەنە جاساندى ينتەللەكتٸنٸڭ ٶمٸردٸڭ بارلىق سالاسىنا كەڭٸنەن ەنۋٸنە بايلانىستى بٸلٸم بەرۋ مازمۇنىن جاڭارتۋ بويىنشا جٷيەلٸ جۇمىس جٷرگٸزٸلۋدە. بۇل جۇمىس 2025 جىلدىڭ قىركٷيەگٸنەن باستاپ كەزەڭ-كەزەڭٸمەن ٸسكە اسىرىلىپ كەلەدٸ, دەپ حابارلايدى ult.kz قر وقۋ-اعارتۋ مينيسترلٸگٸنە سٸلتەمە جاساپ.
كەيٸن بۇل باعىتتاعى جۇمىستىڭ قۇقىقتىق نەگٸزٸ نىعايتىلدى. 2025 جىلعى قاراشادا «جاساندى ينتەللەكت تۋرالى» قازاقستان رەسپۋبليكاسىنىڭ زاڭى, ال 2026 جىلعى مامىردا ورتا بٸلٸم بەرۋ جٷيەسٸنە جاساندى ينتەللەكتٸنٸ ەنگٸزۋ جٶنٸندەگٸ پرەزيدەنت جارلىعى قابىلداندى. وسى قۇجاتتاردى ٸسكە اسىرۋ اياسىندا مەملەكەتتٸك جالپىعا مٸندەتتٸ بٸلٸم بەرۋ ستاندارتى, ٷلگٸلٸك وقۋ جوسپارلارى مەن ٷلگٸلٸك وقۋ باعدارلامالارى جاڭارتىلدى.
1-4-سىنىپتارداعى «تسيفرلىق ساۋاتتىلىق» پەنٸنٸڭ اتاۋى «تسيفرلىق ساۋاتتىلىق جەنە جاساندى ينتەللەكت», ال 5-11-سىنىپتارداعى «ينفورماتيكا» پەنٸنٸڭ اتاۋى «ينفورماتيكا جەنە جاساندى ينتەللەكت» بولىپ ٶزگەرتٸلدٸ. بۇل تەك پەن اتاۋلارىنىڭ ٶزگەرۋٸ ەمەس. جاساندى ينتەللەكت تسيفرلىق تەحنولوگييالار مەن ينفورماتيكانىڭ اجىراماس بٶلٸگٸنە اينالدى. وسىعان بايلانىستى پەندەردٸڭ مازمۇنىنا جاساندى ينتەللەكت بويىنشا جاڭا بٶلٸمدەر مەن بارلىعى 43 وقۋ ماقساتى ەنگٸزٸلدٸ.
بٷگٸندە وقۋشىلار جاساندى ينتەللەكت قۇرالدارىن كٷندەلٸكتٸ ٶمٸردە قولدانىپ جٷر. ەندٸگٸ مٸندەت - ولاردى بۇل تەحنولوگييانى جاي عانا پايدالانۋعا ەمەس, سانالى, تيٸمدٸ جەنە جاۋاپتى قولدانۋعا ٷيرەتۋ.
1-4-سىنىپ وقۋشىلارى «مەدياساۋاتتىلىق جەنە جي» بٶلٸمٸ اياسىنداعى 17 وقۋ ماقساتى بويىنشا جاساندى ينتەللەكتٸمەن كٷندەلٸكتٸ ٶمٸردەن الىنعان قاراپايىم مىسالدار ارقىلى تانىسادى. ولار تسيفرلىق قاۋٸپسٸزدٸك, جەكە دەرەكتەردٸ قورعاۋ جەنە تسيفرلىق ورتاداعى جاۋاپتى مٸنەز-قۇلىق نەگٸزدەرٸن مەڭگەرەدٸ.
5-9-سىنىپ وقۋشىلارى «كومپيۋتەرلٸك ويلاۋ جەنە باعدارلامالاۋ», «دەنساۋلىق, قاۋٸپسٸزدٸك جەنە جي» بٶلٸمدەرٸ اياسىنداعى 14 وقۋ ماقساتى بويىنشا جاساندى ينتەللەكت قۇرالدارىن وقۋ پروتسەسٸندە تيٸمدٸ قولدانۋدى, ساۋاتتى سۇرانىستار قۇراستىرۋدى, الىنعان نەتيجەلەردٸ سىني تۇرعىدان باعالاۋدى, سونداي-اق كيبەرقاۋٸپسٸزدٸك پەن اكادەمييالىق ادالدىق قاعيداتتارىن ساقتاۋدى ٷيرەنەدٸ.
10-11-سىنىپتاردا «دەرەكتەردٸ باسقارۋ جەنە جاساندى ينتەللەكت» بٶلٸمٸ اياسىنداعى 12 وقۋ ماقساتى بويىنشا جاساندى ينتەللەكتٸنٸڭ جۇمىس ٸستەۋ قاعيداتتارىن تٷسٸنۋگە جەنە ونى پراكتيكادا قولدانۋعا باسىمدىق بەرٸلەدٸ. وقۋ مازمۇنىنا ماشينالىق وقىتۋ, نەيروندىق جەلٸلەر, دەرەكتەردٸ تالداۋ جەنە قولدانبالى كريپتوگرافييا نەگٸزدەرٸ ەنگٸزٸلگەن.
جاڭارتىلعان وقۋ باعدارلامالارى ٶتكەن وقۋ جىلىندا اپروباتسييادان سەتتٸ ٶتٸپ, وڭ ساراپتامالىق قورىتىندى الدى. قازٸرگٸ ۋاقىتتا ولار بەلگٸلەنگەن تەرتٸپپەن بەكٸتٸلۋ ساتىسىندا.
سونىمەن قاتار پەداگوگتەر ٷشٸن بٸلٸم بەرۋ پروتسەسٸندە جاساندى ينتەللەكتٸنٸ تيٸمدٸ جەنە قاۋٸپسٸز قولدانۋ جٶنٸندەگٸ ەدٸستەمەلٸك ۇسىنىمدار ەزٸرلەنۋدە.
