مەكتەپ كٸتاپحاناسىن قانداي كٸتاپتارمەن تولىقتىرۋ باعىتى زەرتتەلدٸ. بۇل تۋرالى قر بعم «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاني بەيسەنباەۆ مەلٸم ەتتٸ, دەپ حابارلايدى قازاقپارات.
«كٶركەم ەدەبيەتپەن مەكتەپتەردٸ قامتۋعا بايلانىستى مەملەكەت باسشىسى ۇلتتىق قوعامدىق سەنٸم كەڭەسٸندە ناقتى تاپسىرما بەرگەن بولاتىن. وسىعان بايلانىستى «وقۋلىق» ورتالىعى جول كارتاسىن ەزٸرلەدٸ. جالپى, بٸرٸنشٸ كەزەكتە بارلىق مەكتەپ كٸتاپحانالارىن جەتٸلدٸرۋ ٷشٸن بٸرنەشە مٸندەت ەسكەرٸلگەن. وسى ورايدا مەكتەپ كٸتاپحانالارىن تٷگەلدەي جاڭعىرتۋ ارقىلى بالالاردىڭ قىزىعۋشىلىعىن ارتتىرۋعا مەن بەرٸلٸپ وتىر. مەكتەپ كٸتاپحاناشىلارىنىڭ ەلەۋەتٸن كٶتەرۋ, كٶركەم ەدەبيەتپەن تولىقتىرۋ مەسەلەسٸنە باسا نازار اۋدارۋ قاجەتتٸگٸنە ەكپٸن قويىلدى», - دەپ توقتالدى ع. بەيسەنباەۆ بٸلٸم مينيسترلٸگٸنٸڭ اپپارات جينالىسىندا.
ونىڭ سٶزٸنە قاراعاندا, مەكتەپ كٸتاپحانالارىن نەگٸزٸنەن تٶرت باعىتتاعى ەدەبيەتتەرمەن قامتۋ جوسپارلانعان. بۇل تۇرعىدا انىقتامالىق باسىلىمدار, عىلىمي تانىمدىق, وتاندىق ەرٸ ەلەمدٸك ەڭ ٷزدٸك شىعارمالار توپتاماسى, قوسىمشا وقۋ ەدٸستەمەلٸك ەدەبيەتتەر قامتىلادى.
«وسىلاردىڭ بارلىعى مەكتەپ كٸتاپحاناسىندا ٶتە قاجەت بولىپ تۇر. بۇل باعىتتاعى تيٸستٸ ينستيتۋتتاردىڭ ماماندارى ٶز ٷلەستەرٸن قوسىپ, جول كارتاسىن ٸسكە اسىرۋعا اتسالىسۋدا. جالپى, مەكتەپ كٸتاپحاناسىنىڭ تيٸستٸ تالاپتارعا سەيكەس بولۋى ٷشٸن كٸتاپحاناشىلاردىڭ دا كادرلىق ەلەۋەتٸن كٶتەرۋ مەسەلەسٸنە ەكپٸن قويىلۋدا. بٷكٸل كٸتاپحانالاردى تسيفرلىق تەحنولوگييالارمەن تولىقتىرۋ جاعى دا قولعا الىندى», - دەدٸ ورتالىق باسشىسى.
«جۇمىس توبى اۋقىمدى شارالاردى باستاپ كەتتٸ. قازاقستان بويىنشا شىققان كٶركەم ەدەبيەتتەردٸڭ تٸزٸمٸ دايىندالدى. ونىڭ ٸشٸندە 30 مىڭنان استام ەدەبيەتتٸڭ اراسىندا ٸرٸكتەۋ جۇمىستارى جٷرگٸزٸلدٸ. وسى ورايدا ەرقايسىسىن باستاۋىش مەكتەپكە, جالپى مەكتەپكە, كوللەدجگە, جوعارى وقۋ ورنىنا كەرەكتٸ كٶركەم ەدەبيەت تٸزبەسٸن ٸرٸكتەپ, سودان كەيٸن 5 مىڭعا جۋىق كٸتاپ قالدى. بۇل تٸزٸمدٸ ارى قاراي شىڭداۋ باعىتىندا تيٸستٸ ينستيتۋتتار پىسىقتاۋ شارالارىن اتقاردى. كوميسسييا جۇمىسىندا مەكتەپ كٸتاپحاناسىنا قاجەتتٸ كٶركەم ەدەبيەتتەردٸڭ تٸزٸمٸن قۇرامىز», - دەدٸ عاني بەيسەنباەۆ.
بۇدان بۇرىن حابارلانعانداي, جاقىندا ۇلتتىق قوعامدىق سەنٸم كەڭەسٸنٸڭ 4-وتىرىسىندا مەملەكەت باسشىسى قاسىم-جومارت توقاەۆ دەستٷرلٸ كٸتاپحانانىڭ اعارتۋشىلىق رٶلٸ ەشقاشان مەنٸن جوعالتپايتىنىن ايتقان ەدٸ.
«تاعى بٸر ماڭىزدى مٸندەت - مەكتەپ كٸتاپحانالارىنىڭ كٸتاپ قورىن جاڭالاۋ جەنە تولىقتىرۋ. قازٸر بۇل كٸتاپحانالاردىڭ قورى ەسكٸرگەن ەرٸ جۇتاڭ. ەسٸرەسە, كٶركەم تۋىندىلار مەن تارتىمدى ەدەبيەتتەر تاپشى. قازاق تٸلٸندەگٸ تيٸستٸ ەدەبيەتتەر ٶتە از نەمەسە مٷلدەم جوق», - دەدٸ مەملەكەت باسشىسى.
قازاقستان پرەزيدەنتٸنٸڭ اتاپ ٶتۋٸنشە, وقۋشىلاردىڭ ەلەم ەدەبيەتٸ كلاسسيكتەرٸنٸڭ شىعارمالارىنا قولى جەتە بەرمەيدٸ.
