مەكتەپ ٸشٸندە ورنالاسقان جىلىتۋ قازاندىعى وقۋشىلاردىڭ ٶمٸرٸنە قاۋٸپ تٶندٸرەدٸ. بۇل تۋرالى قر بعم مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶراعاسى مايرا مەلدەبەكوۆا ايتتى, دەپ حابارلايدى قازاقپارات.
ونىڭ اتاپ ٶتۋٸنشە, ەلٸمٸزدەگٸ جالپى بٸلٸم بەرۋ ۇيىمدارىنىڭ 11,3 پايىزى عانا نەمەسە 823 ۇيىم ٸشكٸ ٸستەر مينيسترلٸگٸ جەدەل باسقارۋ ورتالىعىنىڭ بازاسىنا قوسىلعان. مەكتەپتەردە 25 640 ۆاحتەرلەر مەن كٷزەتشٸلەر قىزمەت جاسايدى. سونداي-اق مەكتەپتەردٸڭ 6,4 پايىزى مامانداندىرىلعان كٷزەت قىزمەتٸنٸڭ قاراۋىنا الىنعان.
«بەس ٶڭٸردە مۇنداي مامانداندىرىلعان كٷزەت قاراستىرىلماعان. ولار: الماتى, جامبىل, قوستاناي وبلىستارى جەنە شىمكەنت پەن قىزىلوردا قالالارى. مەكتەپتەردٸڭ 14 پايىزىندا عانا دابىل تٷيمەشەگٸ بار. بۇل جالپى 6 152 مەكتەپتە دابىل تٷيمەشەگٸنٸڭ جوق ەكەندٸگٸن بٸلدٸرەدٸ. سوندىقتان ەربٸر بٸلٸم بەرۋ ۇيىمى بۇل اقپاراتتاردى باقىلاۋعا الىپ, جٷزەگە اسىرىلۋىن قامتاماسىز ەتۋٸ تيٸس», - دەدٸ ول.
سونىمەن قاتار كوميتەت تٶرايىمى مەكتەپ ٸشٸندە ورنالاسقان جىلىتۋ قازاندىقتارى دا وقۋشىلاردىڭ ٶمٸرٸنە قاۋٸپ تٶندٸرەتٸندٸگٸن ايتادى.
«ەلٸمٸزدٸڭ 256 مەكتەبٸندە, ونىڭ ٸشٸندە قالادا 9, اۋىلدىق جەرلەردە 247 مەكتەپتە وسىنداي قازاندىقتار انىقتالدى. ولاردىڭ كٶبٸ اقمولا, قوستاناي, اقتٶبە جەنە تٷركٸستان وبلىستارىندا. اتالعان مەسەلە بويىنشا جول كارتاسىن ەزٸرلەدٸك. وسى جول كارتاسىنا سەيكەس, 2021-2022 جىلدارى بۇل جۇمىستار بارلىق ٶڭٸردە تولىق ورىندالىپ, قازاندىقتار قاۋٸپسٸز جەرگە شىعارىلۋى تيٸس»,- دەدٸ كوميتەت تٶراعاسى.
