قر پرەمەر-مينيسترٸنٸڭ ورىنباسارى ەرالى توعجانوۆ كوروناۆيرۋس ينفەكتسيياسىمەن كٷرەستە مەديتسينا قىزمەتكەرلەرٸنە تٶلەنگەن ٷستەمەاقىنىڭ نەلٸكتەن توقتاتىلعانىن تٷسٸندٸردٸ, دەپ حابارلايدى قازاقپارات.
«مەملەكەت باسشىسىنىڭ تاپسىرماسىن ورىنداۋ ٷشٸن 2020 جىلدىڭ ناۋرىزىنان COVID-19 كوروناۆيرۋس ينفەكتسيياسىمەن كٷرەس اياسىنداعى جۇمىسقا ٷستەمەاقى بەلگٸلەندٸ. ول جۇقتىرۋ تەۋەكەلٸنٸڭ دەڭگەيٸنە بايلانىستى ٷش ساناتپەن (1-سانات «ٶتە جوعارى تەۋەكەل» - 850 مىڭ تەڭگە, 2-سانات «جوعارى تەۋەكەل» - 425 مىڭ تەڭگە, 3-سانات «ورتاشا تەۋەكەل» - 215,5 مىڭ تەڭگە) تٶلەندٸ. وسى ماقساتقا رەسپۋبليكالىق بيۋدجەتتەن 2020-2021جىلدارعا 250,8 ملرد تەڭگە بٶلٸندٸ بٷگٸندە وسى جىلدىڭ قاڭتار-قىركٷيەگٸ كەزەڭٸندە مەديتسينا ۇيىمى قىزمەتكەرلەرٸنە ٷستەمەاقى تولىق كٶلەمدە تٶلەندٸ», - دەلٸنگەن ٷكٸمەت باسشىسى ورىنباسارىنىڭ مەجٸلٸس دەپۋتاتتارى ساۋالىنا بەرگەن جاۋابىندا.
ونىڭ اتاپ ٶتۋٸنشە, دەرٸگەرلەرگە ٷستەمەاقى قازاقستان, جالپى بٷكٸل ەلەمدە مەديتسينا پاندەمييامەن كٷرەسكە دايىن بولماعان كەزدە ەنگٸزٸلدٸ. ول ۋاقىتتا ۆيرۋس زەرتەلمەگەن, ەمدەۋ حاتتاماسى ٷنەمٸ اۋىسىپ, مەديتسينا قىزمەتكەرلەرٸ اراسىندا بەلگٸسٸز ۆيرۋستان قورقىنىش بار بولاتىن. سوندىقتان ولاردى قوسىمشا ىنتالاندىرۋ قاجەت بولدى.
«بٷگٸندە احۋال ٶزگەردٸ. قىزمەتكەرلەردٸڭ ۆيرۋس تەۋەكەلدەرٸن مٷلدەم جوياتىن تيٸمدٸ قورعانىس قۇرالدارى قالىپتاسىپ, ەمدەۋ حاتتاماسى بەكٸتٸلدٸ. ينفەكتسيياندان قورعايتىن سەنٸمدٸ ۆاكتسيناتسييا پايدا بولدى. بۇعان قوسا, مەديتسينا قىزمەتكەرلەرٸ العاشقىلاردىڭ بٸرٸ بولىپ ۆاكتسيناتسيياعا قول جەتكٸزدٸ. قازٸرگٸ ۋاقىتتا مەديتسينا قىزمەتكەرلەرٸنٸڭ 99 پايىزى ەكپە الدى. بٷگٸندە رەۆاكتسيناتسييا جٷرگٸزٸلٸپ جاتىر. ونى دا مەديتسينا قىزمەتكەرلەرٸ العاشقىلاردىڭ بٸرٸ بولىپ الادى», - دەدٸ ەرالى توعجانوۆ.
ۆيتسە-پرەمەردٸڭ ايتۋىنشا, وسىعان بايلانىستى 2021 جىلدىڭ 28 مامىرىندا ٶتكەن قازاقستان اۋماعىندا COVID-19 كوروناۆيرۋس ينفەكتسيياسىنىڭ پايدا بولۋىنا جەنە تارالۋىنا جول بەرمەۋ جٶنٸندەگٸ ۆەدموستۆوارالىق كوميسسييا 2021 جىلدىڭ 1 تامىزىنان كۆي-گە بايلانىستى تٶلەنەتٸن ٷستەمەاقىنى 50 پايىزعا تٶمەندەتۋ, ال 1 قازاننان دەنساۋلىق ساقتاۋ جٷيەسٸ قىزمەتكەرلەرٸ جالاقىسىن كٶتەرۋدٸڭ جاڭا ەدٸستەرٸن ايقىنداي وتىرىپ الىپ تاستاۋ تۋرالى شەشٸم قابىلدانعان.
«مەديتسينا قىزمەتكەرلەرٸن قارجىلاي قولداۋ جەنە ىنتالاندىرۋدى جالعاستىرۋ ماقساتىندا وسى جىلدىڭ 1 قازانىنان تەۋەكەل توبىنا بايلانىستى بەلگٸلٸ بٸر ماماندىقتارعا جالاقىنى ارتتىرۋ ٸس-شارالارى قابىلداندى. 2021 جىلدىڭ 1 قازانىنا دەيٸن كۆي-گە بايلانىستى بۇعان دەيٸن تٶلەنٸپ كەلگەن ٷستەمەاقى ۋاقىتشا تٶلەم بولاتىن. ال جاڭا ەدٸستە كٶزدەلگەن ٷستەمەاقى قىزمەتكەر جالاقىسىنىڭ نەگٸزگٸ بٶلٸگٸنە قوسىلادى جەنە تۇراقتى تٷردە تٶلەنەدٸ», - دەدٸ ول.
