فوتو: Pexels.com
بٷگٸن قازاقستان رەسپۋبليكاسى پارلامەنتٸنٸڭ مەجٸلٸسٸ مەديتسينا قىزمەتكەرلەرٸنە قاتىستى كٷش قولدانۋ مەن قاتىگەزدٸك ەرەكەتتەرٸ ٷشٸن جازانى قاتاڭداتۋعا باعىتتالعان قىلمىستىق جەنە قىلمىستىق-پروتسەستٸك كودەكستەرگە ەنگٸزٸلەتٸن تٷزەتۋلەر توپتاماسىن قابىلدادى, دەپ حابارلايدى Ult.kz.
زاڭ جوباسىنا سەيكەس, قىلمىستىق كودەكسكە قىزمەتتٸك مٸندەتٸن اتقارۋ كەزٸندە مەديتسينا قىزمەتكەرلەرٸنٸڭ, سونداي-اق جەدەل مەديتسينالىق جەردەم بريگادالارى جٷرگٸزۋشٸلەرٸنٸڭ ٶمٸرٸ مەن دەنساۋلىعىنا قول سۇعۋ ٷشٸن قىلمىستىق جاۋاپكەرشٸلٸك كٶزدەيتٸن جاڭا باپ ەنگٸزٸلەدٸ.
اتاپ ايتقاندا, كٷش قولدانامىن دەپ قورقىتقانى ٷشٸن ايىپپۇل سالۋ, قوعامدىق نەمەسە تٷزەۋ جۇمىستارىنا تارتۋ, سونداي-اق 2 جىلعا دەيٸن باس بوستاندىعىن شەكتەۋ نە ايىرۋ جازاسى قاراستىرىلعان. ەگەر مۇنداي ەرەكەتتەر اۋىرلاتاتىن مەن-جايلارمەن جاسالسا, جازا 3 جىلعا دەيٸن قاتاڭداتىلادى. ال ٶمٸرگە نەمەسە دەنساۋلىققا قاۋٸپتٸ كٷش قولدانۋ فاكتٸلەرٸ ٷشٸن 5 جىلدان 10 جىلعا دەيٸن, ال اۋىرلاتاتىن جاعدايلاردا 12 جىلعا دەيٸن باس بوستاندىعىنان ايىرۋ جازاسى كٶزدەلگەن.
سونىمەن قاتار قىلمىستىق-پروتسەستٸك كودەكسكە وسى ساناتتاعى ٸستەردٸ الدىن الا تەرگەپ-تەكسەرۋ ٸشكٸ ٸستەر ورگاندارىنىڭ قۇزىرەتٸنە بەرٸلەتٸنٸ تۋرالى نورما ەنگٸزٸلدٸ.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, 2019 جىلدان بەرٸ ەلدە مەديتسينا قىزمەتكەرلەرٸنە قاتىستى 280-نەن استام شابۋىل تٸركەلگەن, ونىڭ 58-ٸ بيىل انىقتالعان. قاۋٸپسٸزدٸكتٸ كٷشەيتۋ ماقساتىندا 152 ستاتسيوناردا تەۋلٸك بويى پوليتسييا بەكەتتەرٸ قويىلىپ, جەدەل جەردەم بريگادالارىنا بەينەجەتوندار مەن دابىل تٷيمەلەرٸن ەنگٸزۋ جۇمىستارى جالعاسىپ جاتىر.
ۆەدومستۆو مەديتسينا قىزمەتكەرلەرٸنە قۇرمەتپەن قاراۋعا شاقىرىپ, قابىلدانعان زاڭنامالىق ٶزگەرٸستەر ولاردىڭ قاۋٸپسٸزدٸگٸن قامتاماسىز ەتۋگە جەنە قوعامدا «زاڭ جەنە تەرتٸپ» قاعيداتىن نىعايتۋعا باعىتتالعانىن اتاپ ٶتتٸ.
