اعىمداعى جىلدىڭ تامىز ايىندا مەدەۋ مۇز ايدىنىندا «ازييا جۇلدىزى» فەستيۆالٸ ٶتەدٸ. بۇل تۋرالى بٷگٸن اقوردادا ٶتكەن رۋحاني جاڭعىرۋ جٶنٸندەگٸ ۇلتتىق كوميسسييا وتىرىسىنان كەيٸن باق ٶكٸلدەرٸنە سۇحبات بەرگەن الماتى قالاسىنىڭ ەكٸمٸ باۋىرجان بايبەك ايتتى, دەپ حابارلايدى قازاقپارات اگەنتتٸگٸ.
«بٷگٸن مەن جوسپاردا تۇرعان 2 جاڭا باستاما جايىندا ايتتىم. بۇرىن الماتىلىقتار, جالپى قازاقستاندىقتار «ازييا داۋىسى» جوباسى تۋرالى كٶپ ايتاتىن. سوندىقتان بٸز مەدەۋ, شىمبۇلاقتى كٶرسەتۋ, جالپى الماتىنىڭ تۋريستٸك ەلەۋەتٸن كٶتەرۋ ٷشٸن «ازييا جۇلدىزى» دەگەن جوبانى باستاماقپىز. قىركٷيەك ايىندا, ٶزدەرٸڭٸز بٸلەتٸندەي, ەربٸر ٷشٸنشٸ دەمالىس كٷنٸ "الماتى قالاسى كٷنٸ" تويلانادى. سول كٷنٸ مەدەۋ مۇز ايدىنىندا وسىنداي فەستيۆالدٸ ٶتكٸزۋ ارقىلى ٶزٸمٸزدٸڭ مەدەنيەتٸمٸزدٸ ازيياعا پاش ەتەتٸن بولامىز», - دەدٸ قالا باسشىسى.
مۇنان بٶلەك, ونىڭ ايتۋىنشا, «قازاقفيلم» كينوستۋديياسى اۋماعىندا بوس جاتقان جەردە ەتنولەند جوباسى قولعا الىنادى. ول جەردە قالا تۇرعىندارى, ايماقتاردان كەلگەن ازاماتتار, شەتەلدٸك قوناقتار الماتىنىڭ مىڭ جىلدىق تاريحىمەن تانىسا بولادى.
«بەلگٸلٸ عالىمىمىز كارل بايپاقوۆ الماتى قالاسىندا تٷرلٸ قورعانداردىڭ ٶتە كٶپ ەكەندٸگٸن ايتقان بولاتىن. ولاردىڭ كٶبٸ جەكە كەسٸپكەرلەردٸڭ, بانكتەردٸڭ يەلٸگٸندە. بٸز سول جەرلەردٸ مەملەكەت مەنشٸگٸنە قايتارىپ, اشىق اسپان استىنداعى مۋزەيلەر جاسايتىن بولامىز»,- دەدٸ باۋىرجان بايبەك.
سونىمەن قاتار قالا باسشىسى الماتىدا ورنالاسقان قارجى ينستيتۋتتارىنىڭ قارجىسى ەسەبٸنەن قازٸرگٸ ۋاقىتتا 1 ملرد. تەڭگەدەن استام سوماعا 20 جوبا جٷزەگە اسىرىلىپ جاتقانىن اتاپ ٶتتٸ. مەسەلەن, جاڭادان قۇرىلعان ناۋرىزباي اۋدانىندا 500 ادامعا ارنالعان ەمحانا مەن 1200 وقۋشىعا ارنالعان مەكتەپتٸ كەسٸپكەرلەر ٶز قارجىلارىنا سالىپ, قالاعا سىيعا تارتاتىن بولادى.
«مەدەنيەت سالاسىندا دا قالامىزدىڭ جەتٸستٸكتەرٸ جەتكٸلٸكتٸ. ٶتكەن جىلدىڭ ٶزٸندە مۋلتيمەدييالىق مۋزىكا ورتالىعىن, مىڭجىلدىق مۋزەيٸن اشتىق. مۋلتيمەدييالىق قۇرالدارمەن قالانىڭ, مەملەكەتتٸڭ تاريحىن كٶرسەتۋدەمٸز. مۇنان بٶلەك, شەبەرلەر اۋىلى, دەستٷرلٸ مۋزىكا تەاترى دا اشىلعان ەدٸ», - دەدٸ ول.
