بٷگٸن پارلامەنت مەجٸلٸسٸنٸڭ جالپى وتىرىسىندا بٸرقاتار دەپۋتات انت بەردٸ, دەپ حابارلايدى "ۇلت اقپارات".
«كونستيتۋتسييامىزعا سەيكەس پارلامەنتتٸڭ دەپۋتاتتارى قازاقستان حالقىنا انت بەرەدٸ. اتالعان ەرٸپتەستەرٸمٸز بەلگٸلٸ سەبەپتەرمەن بٸزدٸڭ بٸرٸنشٸ جالپى وتىرىسىمىزعا قاتىسا المادى. وسىعان بايلانىستى قازٸر قازاقستان حالقىنا انت بەرۋ ٷشٸن مەجٸلٸس دەپۋتاتتارى, ياعني بەرٸك ەبدٸعاليۇلى, اناتوليي بويچين, يۋريي جۋلين, ۆەرا كيم, يۋلييا كۋچينسكايا, ايگٷل قۇسپان شاقىرىلادى», - دەدٸ مەجٸلٸس تٶراعاسى نۇرلان نىعماتۋلين.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تەۋەلسٸزدٸگٸن نىعايتۋعا, ونىڭ كونستيتۋتسيياسى مەن زاڭدارىنا قاتاڭ باعىنۋعا, دەپۋتاتتىڭ ٶزٸمە جٷكتەلگەن مەرتەبەلٸ مٸندەتٸن ادال اتقارۋعا انت ەتەمٸن», - دەدٸ دەپۋتاتتار مەجٸلٸستٸڭ جالپى وتىرىسىندا.
ەسكە سالا كەتەيٸك, بيىل 15 قاڭتاردا مەجٸلٸستە جاڭادان سايلانعان دەپۋتاتتار انت بەرگەن ەدٸ.
