قر پارلامەنتٸ مەجٸلٸسٸنٸڭ دەپۋتاتى ساۋىتبەك ابدراحمانوۆ جەدەل جەردەم قىزمەتٸنە قاتىستى ەل تۇرعىندارىنىڭ ۇسىنىسىن جارييالادى, دەپ حابارلايدى قازاقپارات.
اتالعان مەسەلەگە بايلانىستى قر پرەمەر-مينيسترٸنٸڭ ورىنباسارى بەردٸبەك ساپارباەۆتىڭ اتىنا دەپۋتاتتىق ساۋال جولداندى.
«بٸراز ۋاقىتتان بەرٸ «جەدەل جەردەم» قىزمەتٸ ورتالىقتاندىرىلدى. بٷگٸندە كەز كەلگەن ٶتٸنٸم الدىمەن وبلىس ورتالىعىنا جەتكٸزٸلەدٸ, سوندا قابىلدانىپ, تٸركەلگەننەن كەيٸن عانا اۋدانداعى «جەدەل جەردەم» قىزمەتٸنە وبلىستان تاپسىرما بەرٸلەدٸ. سونداي تاپسىرما الىنبايىنشا «جەدەل جەردەم» اۋىر ناۋقاسقا اتتانا المايدى. مۇنىڭ بٷكٸل وبلىستاعى جاعدايدى بٸر ۋىستا ۇستاپ وتىرۋعا مٷمكٸندٸك بەرەتٸنٸنە, تاپسىرىستى ٷيلەستٸرۋدە ٶزٸندٸك ارتىقشىلىعى بارلىعىنا داۋ ايتا الماسپىز, بٸراق ۋاقىتتان ۇتىلدىراتىنىنا, ال بايلانىس بولماي نەمەسە ٶتٸنٸم الۋعا تيٸستٸ ادام ورنىنان تابىلماي قالعان جاعدايدا قاتەرلٸ ەكەندٸگٸنە كٷمەن جوق», - دەپ توقتالدى س. ابدراحمانوۆ قر پارلامەنتٸ مەجٸلٸسٸنە قازاقستان حالقى اسسامبلەياسىنان سايلانعان دەپۋتاتتار ساۋالىن جارييالاۋ بارىسىندا.
ونىڭ ايتۋىنشا, سايلاۋشىلار «جەدەل جەردەم» قىزمەتٸن ٷيلەستٸرۋدٸ بۇرىنعىداي اۋداندىق دەنساۋلىق ساقتاۋ بٶلٸمدەرٸنٸڭ قاراماعىندا قالدىرۋدى ۇسىنادى.
