بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات فاحريددين قاراتاەۆ تٷركٸستان وبلىسىنداعى بالاباقشالاردىڭ مەسەلەسٸن كٶتەردٸ. وسى ورايدا پرەمەر-مينيستردٸڭ ورىنباسارى ەرالى توعجانوۆتىڭ اتىنا ساۋال جولداندى, دەپ حابارلايدى قازاقپارات.
«بٸزدٸڭ دەپۋتاتتىق ساۋالىمىز «NurOtan» پارتيياسىنىڭ مەكتەپكە دەيٸنگٸ بٸلٸم مەكەمەلەرٸمەن قامتاماسىز ەتۋ جٶنٸندەگٸ مٸندەتتەمەلەرٸن ٸسكە اسىرۋعا باعىتتالعان. بۇل مەسەلەنٸ پارلامەنت دەپۋتاتتارى بٸرنەشە رەت كٶتەرگەن بولاتىن, «NurOtan» پارتيياسىنىڭ مٷشەلەرٸ جاقىندا سايلاۋشىلارمەن ٶتكەن كەزدەسۋ بارىسىندا بۇل مەسەلە قايتادان كٶتەرٸلدٸ. بٷگٸنگٸ تاڭدا, تٷركٸستان وبلىسىنداعى جەكەمەنشٸك بالاباقشالارى ايانىشتى جاعدايدا تۇر.
ٶزٸڭٸزگە بەلگٸلٸ, تٷركٸستان وبلىسىندا بٷگٸنگٸ تاڭدا جەكەمەنشٸك بالاباقشالارداعى جان باسىنا قارجىلاندىرۋ مەسەلەسٸ رەسپۋبليكا بويىنشا ەڭ تٶمەنگٸ مٶلشەردە, ياعني 25 582 تەڭگەنٸ قۇرايدى. بۇل كٶرسەتكٸش قازاقستان رەسپۋبليكاسىنىڭ بٸلٸم جەنە عىلىم مينيسترٸ 2017 جىلعى 27 قاراشاداعى بۇيرىعىمەن بەكٸتٸلگەن جان باسىنا قارجىلاندىرۋ ەدٸستەمەسٸنە سەيكەس اۋىلدىق جەردە - 41 053 تەڭگەنٸ, قالالىق جەردە - 37 527 تەڭگەنٸ قۇراۋى تيٸس», - دەدٸ قاراتاەۆ.
ونىڭ ايتۋىنشا, تٷركٸستان وبلىسى بويىنشا بٷگٸنگٸ تاڭدا 1024 جەكەمەنشٸك بالاباقشا جۇمىس ٸستەيدٸ, ياعني وبلىس بويىنشا 72 پايىزدى قامتيدى, وسى بالاباقشالاردا – 115 مىڭنان استام (74%) بالا تەربيەلەنۋدە. 50 مىڭ بالا از قامتىلعان, 25 100 بالا كٶپ بالالى وتباسىنان كەلەدٸ. جەكەمەنشٸك بالاباقشالاردا 36 840 ادام تۇرعىلىقتى جۇمىسپەن قامتىلعان, ونىڭ 19 مىڭنان اساتامى پەداگوگ قىزمەتكەرلەرٸ مەن تەربيەشٸلەرٸ. بالاباقشا قىزمەتكەرلەرٸنٸڭ ايلىق جالاقىسى 42 500 - 70 000 تەڭگە ارالىعىندا. قىزمەتكەرلەردٸڭ 50% - دان استامى كٶپبالالى جەنە از قامتىلعان وتباسىلار, 10 000- نان استام ادام ەڭ تٶمەنگٸ ايلىق جالاقىعا جۇمىس ٸستەۋدە.
«وسىعان وراي, تٷركٸستان وبلىسى بويىنشا, جەرگٸلٸكتٸ بيۋدجەتتەن قارجى تاپشىلىعىنا بايلانىستى, سوڭعى 3 جىلداعى ينفلياتسييانى, پەداگوگ كادرلاردىڭ ايلىق جالاقىسىنىڭ ٶسۋٸنە قاراماستان, جان باسىنا قارجىلاندىرۋدىڭ مٶلشەرٸنە قوسىمشا قارجى قاراستىرىلماعان. وسىنىڭ سالدارىنان بٷگٸنگٸ تاڭدا وبلىس بويىنشا 23,5 ملرد تەڭگە قارجى تاپشىلىعى تۋىنداپ وتىر. جەرگٸلٸكتٸ اتقارۋشى ورگاندار بۇل قارجىنى جەرگٸلٸكتٸ بيۋدجەتتەن تٶلەۋ مٷلدە مٷمكٸندٸگٸ جوق ەكەندٸگٸن جەتكٸزۋدە. بۇل مەسەلەنٸ جەكەمەنشٸك بالاباقشالارى باسشىلارى 3 جىلدان بەرٸ كٶتەرٸپ, بارلىق اتقارۋشى مەملەكەتتٸك ورگاندارعا حات جولداعان بولاتىن, الايدا وسى كٷنگە دەيٸن مەسەلەنٸڭ شەشٸمٸ تابىلمادى. جان باسىنا قارجىلاندىرۋ مەملەكەتتٸك بٸلٸم تاپسىرماسىن ورىنداۋ ٷشٸن تٷركٸستان وبلىسى بويىنشا 23,5 ملرد تەنگە تاپسىرىس بەرٸلگەن. بٸراق رەسپۋبليكالىق بيۋدجەتتٸك كوميسسييانىڭ 2021 جىلعى 20 سەۋٸردەگٸ №9 شەشٸمٸمەن بۇل شىعىستار قولداۋ تاپپادى. ەگەر بۇل مەسەلە بيىل دا شەشٸمٸن تاپپاسا, كەسٸپكەرلەر قىركٷيەك ايىندا جاپپاي جۇمىستارىن امالسىز توقتاتاتىنىن بٸلدٸرۋدە. ول كەزدە تاعى دا 100 مىڭ بالا بالاباقشاسىز, 20 مىڭ ادام جۇمىسسىز قالۋ ىقتيمالى بار», - دەدٸ دەپۋتات.
«وسىعان بايلانىستى, قانداي شەشٸمدەر قابىلدانادى جەنە تيٸستٸ قارجىلاندىرۋ قالاي جٷزەگە اسىرىلاتىنىن تٷسٸندٸرۋدٸ سۇرايمىز», - دەدٸ فاحريددين قاراتاەۆ.
