پارلامەنت مەجٸلٸسٸنٸڭ دەپۋتاتى نۇرجان ەلتاەۆ تٶتەنشە جاعدايعا بايلانىستى اۋىل شارۋاشىلىعى ٶنٸمدەرٸن ٶتكٸزە الماي وتىرعان فەرمەرلەردٸڭ مەسەلەسٸن كٶتەرٸپ, ٷكٸمەت باسشىسىنا دەپۋتاتتىق ساۋال جولدادى, دەپ حابارلايدى قازاقپارات.
«قازاقستاندا تٶتەنشە جاعدايدىڭ ەنگٸزٸلۋٸنە بايلانىستى اگروٶنەركەسٸپ كەشەنٸ سۋبەكتٸلەرٸنٸڭ قوزعالىسى, تەحنيكالار مەن اۋىل شارۋاشىلىعى جۇمىسشىلارىنىڭ ديسلوكاتسيياسى, اۋىل شارۋاشىلىعى تاۋارلارىن تاسىمالداۋ مەن ساتۋدا ەدەۋٸر قيىندىق تۋىنداپ تۇر. قازاقستان پرەزيدەنتٸنٸڭ تٶتەنشە جاعداي ەنگٸزۋگە بايلانىستى جارلىعىنا سەيكەس كەيبٸر ايماقتا ادامدار مەن جەكە كٶلٸكتەردٸڭ, جٷك كٶلٸكتەرٸ مەن تاۋارلاردىڭ قوزعالىسىنا شەكتەۋ ەنگٸزٸلگەن. سونىمەن قاتار اۋىل شارۋاشىلىعى مينيسترٸنٸڭ جەكە بۇيرىعىنا سەيكەس 2020 جىلدىڭ 2 سەۋٸرٸندە اۋىل شارۋاشىلىعى تاۋارلارىنىڭ كەيبٸر تٷرٸن سىرتقا شىعارۋعا جەنە شىعارۋدى شەكتەۋ تەرتٸبٸ كٷشٸنە ەنگەن», - دەدٸ نۇرجان ەلتاەۆ پارلامەنت مەجٸلٸسٸنٸڭ جالپى وتىرىسىندا.
دەپۋتاتتىڭ ايتۋىنا قاراعاندا ادامداردىڭ, ايماقتاردا اۋىل شارۋاشىلىعى تەحنيكالارىنىڭ قوزعالىسىنا, تاۋارلاردى تاسىمالداۋ مەن ساتۋعا رۇقسات الۋ تەرتٸبٸنٸڭ اشىق پروتسەدۋراسى جوق. وسىنىڭ سالدارىنان جەرگٸلٸكتٸ اتقارۋشى جەنە قۇقىق قورعاۋشى ورگاندار جٷك تاسىمالىن ٶتكٸزۋ تەرتٸبٸن ٶزٸنشە تٷسٸنٸپ, كەيبٸر جەردە شەكتەن شىققان ەرەكەتتەر بولىپ جاتىر.
«مەسەلەن جامبىل مەن الماتى وبلىسىنىڭ شەكاراسىندا اۋىل شارۋاشىلىعى ٶنٸمٸ تيەلگەن فۋرالار بلوكپوستتاردا تەۋلٸك بويى تۇر. ولاردىڭ كٶزدەگەن ورىنعا تەز ەرٸ كەدەرگٸسٸز جەتۋ مٷمكٸندٸگٸ قاراستىرىلماعان. قىرعىز رەسپۋبليكاسىمەن شەكارادا دا ەكسپورتقا شىعاراتىن ٶنٸمدەردٸ تيەگەن كٶلٸكتەردٸڭ كەپتەلٸسٸ پايدا بولعان. ال اۋىل شارۋاشىلىعى ٶنٸمدەرٸن ورنىنا تەز جەتكٸزبەسە بۇزىلىپ كەتەدٸ. ونىڭ ٷستٸنە سارىمساق, قىرىققابات, سەبٸزدٸ ەكسپورتقا شىعارۋدى توقتاتىپ تاستاۋدىڭ ٶزٸ وي تۋىنداتادى. قازٸر وڭتٷستٸك ايماقتاردا تەز بۇزىلىپ كەتەتٸن 800 مىڭ تونناعا جۋىق اۋىل شارۋاشىلىعى ٶنٸمٸ جينالىپ قالعان. قازاقستاندا ول ٶنٸمدەردٸ تۇتىنۋ دەڭگەيٸ 10 ەسە از. ياعني, ٶنٸم كەرەكتٸ مٶلشەردەن ارتىق ٶندٸرٸلگەن. قازاقستاننىڭ وڭتٷستٸگٸندەگٸ فەرمەرلەر ەل ٸشٸندە سۇرانىستىڭ بولماۋىنان بۇزىلعان ٶنٸمدٸ لاقتىرۋعا مەجبٷر», - دەيدٸ ول.
سول سەبەپتٸ دەپۋتات ٷكٸمەتتەن ادامدار مەن تاۋارلاردىڭ قوزعالىسىن رەتتەيتٸن بٸرىڭعاي تەرتٸپ ەنگٸزۋدٸ, ماقۇلداۋ تەرتٸبٸنٸڭ بەرٸن ونلاين رەجيمگە اۋىستىرۋدى, تەز بۇزىلاتىن اۋىل شارۋاشىلىعى ٶنٸمدەرٸن كٸرگٸزۋگە قويىلعان شەكتەۋلەردٸ الىپ تاستاۋدى, بلوكپوستتاردا جٷك كٶلٸكتەرٸ ٷشٸن جەكە دەلٸز ەنگٸزۋدٸ سۇراپ وتىر.
