فوتو:elements.envato.com
پارلامەنت مەجٸلٸسٸ ۇلتتىق قوردان بالالارعا تٶلەم جاساۋ مەسەلەلەرٸ تۋرالى زاڭدى ەكٸنشٸ وقىلىمدا قابىلداپ, سەناتقا جولدادى. جوبا 2024 جىلعى 1 قاڭتاردا ٸسكە قوسىلادى, دەپ حابارلايدى Sputnik قازاقستان سايتى.
زاڭعا سەيكەس, ۇلتتىق قوردىڭ جىلدىق ينۆەستيتسييالىق كٸرٸسٸنٸڭ 50 پايىزى بالالار 18 جاسقا تولعانعا دەيٸن ولاردىڭ ارنايى جيناق شوتىنا اۋدارىلادى. بۇل اقشانى ولار بولاشاقتا باسپانا ساتىپ الۋعا نەمەسە بٸلٸم الۋعا جۇمساي الادى. بۇل رەتتە قاراجاتتى شەتەلدٸك جوعارى وقۋ ورنىندا وقۋ ٷشٸن پايدالانۋعا رۇقسات ەتٸلەدٸ.
"بالا 18 جاسقا تولعانعا دەيٸن اۋدارىلعان اقشا ۇلتتىق قوردا بولادى جەنە ۇلتتىق بانك ونى قارجى قۇرالدارىنا ينۆەستيتسييالاۋدى جالعاستىرادى. بارلىق بالاعا تەڭ تەسٸل قامتاماسىز ەتٸلەدٸ, ياعني بالانىڭ تۋعان كٷنٸنەن باستاپ نەمەسە بالانىڭ قازاقستان ازاماتتىعىن العان كٷنٸنەن باستاپ ون سەگٸز جاسقا تولعانعا دەيٸن ونىڭ باعدارلاماعا قاتىسقان تيٸستٸ جىلى ٷشٸن ەربٸر بالانىڭ شوتىنا بٸردەي سوما اۋدارىلادى", - دەدٸ زاڭ جوباسى بويىنشا بايانداما جاساعان مەجٸلٸسمەن بەرٸك بەيسەنعاليەۆ.
شوتتا جينالعان اقشانى 18 جاسقا تولعاننان كەيٸن عانا پايدالانۋعا بولادى. الايدا بالا ازاماتتىعىن ٶزگەرتكەن نەمەسە جوعالتقان جاعدايدا تٶلەم الۋ قۇقىعىنان ايىرىلادى. ۇلتتىق قوردان بەرٸلەتٸن قاراجاتقا سالىق سالىنبايدى.
ايتا كەتەرٸ, "ۇلتتىق قور – بالالارعا" جوباسى 2024 جىلعى 1 قاڭتاردان باستالادى. مەجٸلٸس دەپۋتاتتارى زاڭدى ەكٸنشٸ وقىلىمدا قابىلداپ, سەناتتىڭ قاراۋىنا جولدادى.
