قر پارلامەنتٸ مەجٸلٸسٸنٸڭ دەپۋتاتى مەيرامبەك تٶلەپبەرگەن «كٶنە تاراز» مۋزەيٸنٸڭ جەتٸ جىلعا جۋىق ۋاقىت بويى جۇمىس ٸستەمەي تۇرعانىن ايتىپ, پرەمەر-مينيستردٸڭ ورىنباسارى ەرالى توعجانوۆتىڭ اتىنا ساۋال جولدادى, دەپ حابارلايدى قازاقپارات.
«2015 جىلى ەلٸمٸزدە مەملەكەتتٸگٸمٸزدٸڭ باستاۋى - قازاق حاندىعىنىڭ 550 جىلدىعىن اتاپ ٶتتٸك. رەسپۋبليكالىق دەڭگەيدە قولعا الىنعان مەرەكەلٸك ٸس-شارانىڭ شارىقتاۋ شەگٸ تاراز قالاسىندا بولدى.
وسى سالتاناتتىڭ اياسىندا كٶنە قالانىڭ قاق ورتاسىندا «كٶنە تاراز مۋزەيٸنٸڭ» اشىلۋى بٸزدٸڭ مەدەني-رۋحاني ٶمٸرٸمٸزدە ەلەۋلٸ وقيعا بولعانى انىق.
الايدا, اتاۋلى جاڭالىقتىڭ جالعاسۋى, ۇلتتىق مەدەني مەنٸ مەن ونىڭ حالىقارالىق دەڭگەيدە تۋريستەردٸ قىزىقتىراتىن جولىن اشپاي, مٷلدەم توقتاپ قالدى.
سەبەبٸ, اتاق-داڭقى الىسقا كەتٸپ, سىرتتاي ەسەمدٸگٸ كٶز تارتاتىن سۋ جاڭا مۋزەي عيماراتى ساپاسىز سالىنعان بولىپ شىقتى.
تٶبەسٸنەن سۋ سورعالادى, جەرتٶلە ٷي-جايى جارامسىز, كەرٸز جٷيەسٸ, ەلەكترمەن جابدىقتاۋ, جەلدەتۋ جەنە جىلىتۋ, سالقىنداتۋ جٷيەلەرٸ مٷلدەم جۇمىس ٸستەمەيدٸ», - دەدٸ دەپۋتات.
دەپۋتاتتىڭ مەلٸمەتٸ بويىنشا, بۇل قۇرىلىستى سالۋعا جەنە سول ۋاقىتتا مۋزەيلەندٸرۋگە 1 ملرد. 200 ملن. تەڭگەگە جۋىق قارجى جۇمسالعان.
«وسىنشاما مەملەكەت قارجىسى اۋاعا ۇشقانمەن بٸردەي بولادى. جەرگٸلٸكتٸ اتقارۋ ورگاندارى باس مەردٸگەردٸڭ جۇمىستى ساپاسىز ورىنداعانى ٷشٸن كەلٸسٸم-شارتتى بۇزۋى, ودان كەيٸن قايتا جٶندەۋ جۇمىستارىنا جٷگٸنۋٸ ەشقانداي نەتيجە بەرگەن جوق.
جەتٸ جىلعا جۋىق جۇمىس ٸستەمەي, كٶزگە كٷيٸك بولىپ, قاڭقيىپ تۇرعان بۇل مۋزەيدٸڭ تاعدىرى قالاي بولعاندا دا شەشٸلۋٸ تيٸس», - دەگەن مەجٸلٸس ٶكٸلٸ «AMANAT» پارتيياسى فراكتسيياسىنىڭ اتىنانبٸرنەشە ناقتى ۇسىنىس ايتتى.
ولار:
1) وسى «ساقالدى قۇرىلىستى» اياقتاۋدىڭ امالىن قاراستىرۋ;
2) شەشٸم قابىلداعان شەنەۋنٸكتەردٸڭ جاۋاپكەرشٸلٸك دەڭگەيٸن انىقتاۋ;
3) مۇنداي سوراقىلىقتىڭ قايتالانباۋى ٷشٸن قۇقىقتىق جاعداي جاساۋ.
