فوتو\instagram.com/erasyl_bolat_
مەجٸلٸس دەپۋتاتى دەۋلەت تۇرلىحانوۆتىڭ ۇلى نۇراسىل بولات جازا مەرزٸمٸن تولىق ٶتەپ, بوستاندىققا شىقتى, دەپ حابارلايدى Ult.kz.
بۇل اقپاراتتى قىلمىستىق-اتقارۋ جٷيەسٸ كوميتەتٸ (قاجك) رەسمي تٷردە راستادى. ۆەدومستۆونىڭ مەلٸمەتٸنشە, سوتتالۋشى سوت بەلگٸلەگەن جازانى تولىق ٶتەگەن.
ەسكە سالايىق, بۇل ٸس قوعامدا ٷلكەن رەزونانس تۋدىرعان بولاتىن. 2023 جىلدىڭ 11 اقپانىنا قاراعان تٷنٸ الماتىداعى ساۋدا ورتالىقتارىنىڭ بٸرٸنٸڭ اۆتوتۇراعىندا ەسكەري قىزمەتكەر بەلگٸلٸ ادۆوكاتقا كٷش كٶرسەتكەن.
وقيعا تۋرالى العاش بولىپ ادۆوكات ولەگ چەرنوۆتىڭ جۇبايى اننا دميتريەۆيچ ەلەۋمەتتٸك جەلٸدە جازدى. ونىڭ ايتۋىنشا, ولار تاكسيگە وتىرا بەرگەن سەتتە بەلگٸسٸز ەر ادام كٶمەك سۇراپ جٷگٸرٸپ كەلگەن. كەيٸن بەلگٸلٸ بولعانداي, ادۆوكاتقا شابۋىل جاساعان ادام — دەۋلەت تۇرلىحانوۆتىڭ ۇلى نۇراسىل بولات.
بۇل دەرەكتٸ دەپۋتاتتىڭ ٶزٸ دە راستاعان ەدٸ. ول قوعامنان كەشٸرٸم سۇراپ, جاعدايعا قاتىستى پٸكٸر بٸلدٸرگەن.
العاشىندا سوت نۇراسىل بولاتتى كٸنەلٸ دەپ تانىپ, 1,7 ملن تەڭگە ايىپپۇل سالعان. الايدا 2024 جىلعى 14 مامىردا جوعارعى سوت ٸستٸ قايتا قاراپ, ٷكٸمدٸ ٶزگەرتتٸ. نەتيجەسٸندە وعان ەكٸ جىل باس بوستاندىعىن شەكتەۋ جازاسى تاعايىندالىپ, جەبٸرلەنۋشٸگە تٶلەنەتٸن ٶتەماقى كٶلەمٸ ۇلعايتىلدى.
