پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسى كونستيتۋتسييالىق زاڭىنىڭ جوباسى ماقۇلداندى, دەپ حابارلايدى قازاقپارات اگەنتتٸگٸ.
زاڭ جوباسىن قابىلداۋدىڭ ماقساتى - بيلٸكتٸڭ ٶكٸلدٸ تارماعىندا ەيەلدەردٸڭ جەنە جاستاردىڭ, سونداي-اق مٷگەدەكتٸگٸ بار ادامداردىڭ دا قاتىسۋىن قامتاماسىز ەتۋ جەنە پٸكٸرٸن ەسكەرۋ, ولاردى مەملەكەتتٸڭ تىنىس-تٸرشٸلٸگٸندە بەلسەندٸ جۇمىسقا تارتۋ.
«كونستيتۋتسيياعا سەيكەس قازاقستان رەسپۋبليكاسى ٶزٸن ەلەۋمەتتٸك مەملەكەت رەتٸندە ورنىقتىرادى, ازاماتتار الدىنداعى ەلەۋمەتتٸك مٸندەتتەمەلەردٸ ورىنداۋعا باعىتتالعان ساياساتتى دەيەكتٸ تٷردە ٸسكە اسىرادى. مەملەكەتٸمٸز ساياساتتى قالىپتاستىرۋعا حالىقتى تارتۋعا ەرەكشە نازار اۋدارادى. 2020 جىلعى مامىردا «ساياسي پارتييالار تۋرالى» زاڭعا پارتييالىق تٸزٸمدەردە ەيەلدەر مەن جاستار ٷشٸن 30% كۆوتا ەنگٸزۋ جٶنٸندەگٸ نورمالار ەنگٸزٸلدٸ. سول كەزدەن باستاپ ساياسي پارتييالار گەندەرلٸك تەڭدٸك جەنە جاستاردى قولداۋ مەسەلەلەرٸن جەتٸلدٸرۋدە ماڭىزدى رٶل اتقارا باستادى. سايلاۋ تٸزٸمدەرٸنە ەنگٸزۋ ارقىلى جاس كانديداتتار مەن ەيەلدەردٸ ٶكٸلدٸ ورگاندار قاتارىنا قوسۋ مٷمكٸندٸگٸ پايدا بولدى», - دەدٸ قر ەدٸلەت مينيسترٸ قانات مۋسين.
ونىڭ ايتۋىنشا, كۆوتالاۋ تەتٸگٸ قوعامداعى پروبلەمالىق جەنە سەزٸمتال مەسەلەلەردٸ شەشۋ كەزٸندە ەرتٷرلٸ پٸكٸرلەردٸ ەسكەرۋ ارقىلى نورما شىعارماشىلىق پروتسەسٸندە «قوعامدىق كٷن تەرتٸبٸن» قالىپتاستىرۋ مٷمكٸندٸگٸن كەڭەيتتٸ.
«وسى تەتٸكتٸ دامىتۋ ٷشٸن مەملەكەت باسشىسى ٶزٸنٸڭ 2021 جىلعى قازاقستان حالقىنا جولداۋىندا ەرەكشە قاجەتتٸلٸكتەرٸ بار ادامداردىڭ زاڭنامالىق قىزمەتتە قاتىسۋ قاجەتتٸلٸگٸن اتاپ ٶتتٸ. وسى تاپسىرمانى ٸسكە اسىرۋ ماقساتىندا ۇسىنىلعان «قازاقستان رەسپۋبليكاسىنىڭ كەيبٸر كونستيتۋتسييالىق زاڭدارىنا ٶزگەرٸستەر مەن تولىقتىرۋلار ەنگٸزۋ تۋرالى» كونستيتۋتسييالىق زاڭ جوباسى ەزٸرلەندٸ. كونستيتۋتسييالىق زاڭ جوباسى ەيەلدەر, 29 تولماعان ادامدار جەنە مٷگەدەك ادامدار ٷشٸن 30% كۆوتادان باسقا, ولاردى پارلامەنت مەجٸلٸسٸندە دەپۋتاتتىق مانداتتاردى بٶلۋ كەزٸندە ەسەپكە الۋ قاجەتتٸلٸگٸن بەكٸتۋدٸ كٶزدەيدٸ», - دەدٸ ق. مۋسين.
«ۇسىنىلىپ وتىرعان كونستيتۋتسييالىق زاڭ جوباسى نىسانالى توپتارمەن ەرتٷرلٸ الاڭداردا قارالدى. جالپى العاندا, بۇل تٷزەتۋلەر ەيەلدەردٸڭ, جاستاردىڭ, ەرەكشە قاجەتتٸلٸكتەرٸ بار ادامداردىڭ ەلٸمٸزدٸڭ زاڭ شىعارۋ ورگانىندا ٶكٸلدٸگٸن كەڭەيتۋ ٷشٸن ماڭىزدى قادام بولىپ سانالاتىنىن اتاپ ٶتكەن جٶن. بۇل زاڭداردىڭ ساپاسىنا سٶزسٸز ەسەر ەتەدٸ», - دەدٸ ەدٸلەت مينيسترٸ.
اتاپ ايتقاندا, زاڭ جوباسىنىڭ ەرەجەلەرٸن رەتتەۋدٸڭ مەنٸ بيلٸكتٸڭ ٶكٸلدٸ تارماعىندا دەپۋتاتتىق مانداتتاردى بٶلۋگە, سونداي-اق كۆوتالاناتىن ادامداردىڭ تٸزبەسٸنە بايلانىستى قوعامدىق قاتىناستار بولىپ سانالادى. ٶيتكەنٸ ەيەلدەر مەن جاستاردان باسقا, مٷگەدەكتٸگٸ بار ادامدار ٷشٸن دە مٸندەتتٸ كۆوتا بەلگٸلەۋ ۇسىنىلادى.
