مەجٸلٸس دەپۋتاتتارى نۇرلىبەك وجاەۆ, دٷيسەنباي تۇرعانوۆ جەنە سەلٸمجان ناقپاەۆ اتىراۋ وبلىسىنا ساپار بارىسىندا «حيميك-اتىراۋ» باۋ-باقشا قوعامى ەلدٸ مەكەنٸنٸڭ تۇرعىندارىمەن كەزدەستٸ, دەپ حابارلايدى قازاقپارات تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
دەپۋتاتتار جەرگٸلٸكتٸ حالىقپەن ەلەۋمەتتٸك احۋالدى وڭالتۋعا قاتىستى قوردالانعان پروبلەمالاردى تالقىلادى.
تۇرعىنداردىڭ باستى مەسەلەسٸ – ەلەۋمەتتٸك قولداۋ تٷرلەرٸ. ياعني, ەڭ الدىمەن, ەلدٸ مەكەنگە ناقتى مەرتەبە بەرۋ. جوعارى كەرنەۋلٸ جەلٸ جٷرگٸزۋ, كٶشە جارىعىن قوندىرۋ. سونداي-اق, بالالار ٷشٸن ويىن الاڭدارىن سالۋ.
ناقتى احۋالمەن تانىسقان مەجٸلٸس دەپۋتاتتارى اتالعان پروبلەمالاردى نازارعا الىپ, شەشۋ جولدارىن قاراستىراتىندارىن ايتتى. كەزدەسۋدە مەجٸلٸس دەپۋتاتى دٷيسەنباي تۇرعانوۆ اتالعان مەسەلەلەرگە ناقتى كٸم جاۋاپتى ەكەنٸن انىقتاپ, جۇمىستىڭ اياقتالار مەرزٸمٸن, قانداي نەتيجەگە جەتەتٸنٸن بەلگٸلٸ بولاتىنداي جٷيەلٸ جۇمىس جاساۋ كەرەكتٸگٸن ايتتى.
جالپى, اتىراۋ قالاسىنا قاراستى باۋ-باقشا قوعامدارىنا بايلانىستى اقپاراتقا ساي, وبلىس ورتالىعىندا جالپى كٶلەمٸ 875 گا, 8085 جەر ۋچاسكەسٸن قۇرايتىن 45 باۋ-باقشا قوعامدارى بار. ونىڭ ٸشٸندە 32 باۋ-باقشا قوعامىندا سۋارۋ جٷيەسٸ بار. 4426 ۋچاسكە 524 گا جەر يگەرٸلگەن. تۇرعىن ٷيلەر سانى – 3497, ساياجايلار – 929. يگەرٸلمەگەنٸ – 348 گا, ياعني, 3659 ۋچاسكە.
اعىمداعى جىلى مٷمكٸندٸگٸنە قاراي دەمەۋشٸلٸكپەن 15 باعباندىق قوعامعا بۇرىن پايدالانىلعان ەلەكتر ترانسفورماتورلارىن, پايدالانىلعان سورعىلاردى اۋىستىرۋ, گاز قۇبىرىنداعى گاز قىسىمىن ارتتىرۋ تٷرٸندە كٶمەك كٶرسەتٸلدٸ. الداعى ۋاقىتتا جوسپارلى تٷردە باۋ-باقشا قوعامدارىنا كٶمەك كٶرسەتۋ قاراستىرىلۋدا.
ال, مەجٸلٸس دەپۋتاتتارى ارناي بارعان «حيميك» باۋ-باقشا قوعامىنىڭ كٶلەمٸ – 64 گا, 597 ۋچاسكە. بۇنىڭ ٸشٸندە يگەرٸلگەنٸ – 540 ۋچاسكە (450 تۇرعىن ٷي, 90 ساياجاي). يگەرٸلمەگەنٸ – 57 ۋچاسكە (4,5 گا). بىلتىر اتالعان ەلدٸ مەكەندٸ قولداۋ باعىتىندا كٶمەك تٷرلەرٸ كٶرسەتٸلگەن. ياعني, دەمەۋشٸلەر ەسەبٸنەن ۇزىندىعى 30 م Ø 315 سۋارۋ قۇبىرى بەرٸلدٸ.
