پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىن دەنساۋلىق ساقتاۋ مينيسترلٸگٸ مەملەكەت باسشىسىنىڭ 2020 جىلعى 27 مامىردا ۇلتتىق قوعامدىق سەنٸم كەڭەسٸنٸڭ وتىرىسىندا جەنە 2020 جىلعى 16 قاراشادا كوروناۆيرۋستىق ينفەكتسييا جٶنٸندەگٸ كەڭەستە بەرگەن تاپسىرمالارىن ورىنداۋ ماقساتىندا مٷددەلٸ مەملەكەتتٸك ورگاندارمەن بٸرلەسە وتىرىپ ەزٸرلەدٸ.
«زاڭ جوباسىنىڭ باستى تۇجىرىمداماسى بيولوگييالىق قاۋٸپ-قاتەرلەردٸ ەرتە انىقتاۋ, ولاردى بولدىرماۋ جەنە الدىن الۋ بولىپ وتىر. بيولوگييالىق قاۋٸپ-قاتەرلەردٸڭ نەگٸزگٸ كٶزدەرٸ مىنالار بولىپ سانالادى: اسا قاۋٸپتٸ ينفەكتسييالاردىڭ تابيعي وشاقتارى, حالىق پەن جانۋارلاردىڭ بەلسەندٸ قوزعالىسىنىڭ, تاۋارلار اينالىمىنىڭ نەتيجەسٸندە قاۋٸپتٸ ينفەكتسييالاردىڭ ەكەلٸنۋٸ», - دەدٸ قر دەنساۋلىق ساقتاۋ مينيسترٸ الەكسەي تسوي.
سونىمەن قاتار مينيستر بيولوگييالىق قاۋٸپ-قاتەرلەردٸڭ كٶزٸ رەتٸندە پاتوگەندٸ بيواگەنتتەرگە رۇقساتسىز قول جەتكٸزۋ, ولاردىڭ رەتتەلمەيتٸن جەنە ەركٸن اينالىمى, تٶتەنشە جاعدايلار جەنە تەرروريزم اكتٸلەرٸ نەتيجەسٸندە جوعارى قاۋٸپتٸ كٶزدەرگە ەسەر ەتۋ, بيوقاۋٸپسٸزدٸك سالاسىندا بٸلٸكتٸ كادرلاردىڭ جەتٸسپەۋشٸلٸگٸ مەسەلەسٸن اتادى.
الەكسەي تسويدىڭ پايىمىنشا, مۇنداي قاۋٸپ-قاتەرلەرگە قارسى ٸس-قيمىلدىڭ تيٸمدٸ جٷيەسٸن قالىپتاستىرۋ تالاپ ەتٸلەدٸ. ول ٷشٸن زاڭ جوباسىندا:
1) قازاقستان رەسپۋبليكاسىنىڭ ۇلتتىق قاۋٸپسٸزدٸك ستراتەگيياسى;
2) بيواگەنتتەرمەن جۇمىس ٸستەۋگە قويىلاتىن تالاپتاردى بٸرٸزدەندٸرۋ;
3) ميكروورگانيزمدەردٸڭ ۇلتتىق جەنە جۇمىس كوللەكتسييالارىنىڭ قىزمەتٸن رەگلامەنتتەۋ;
4) ٷيلەسٸمدٸ مەملەكەتتٸك باسقارۋ جٷيەسٸن قۇرۋ;
5) پاتوگەندٸ بيواگەنتتەردٸڭ اينالىمى تۋرالى دەرەكتەردٸ ەسەپكە الۋ مەن مونيتورينگتەۋدٸڭ بٸرىڭعاي جٷيەسٸن قۇرۋ;
6) بيوتەۋەكەلدەردٸ باسقارۋ جٷيەسٸن ەنگٸزۋ;
7) بيولوگييالىق قاۋٸپ-قاتەرلەردٸ بولجاۋ جٷيەسٸن قۇرۋ;
8) پروفيلدٸ قىزمەتتەر مەن حالىقتىڭ تٶتەنشە ىقتيمال جاعدايلارعا دايىندىعىن قامتاماسىز ەتۋ;
9) مەملەكەتتٸك رەتتەۋدٸڭ پرەۆەنتيۆتٸ فۋنكتسيياسىن كٷشەيتۋ اياسىندا رەتتەۋ ۇسىنىلادى.
بەلگٸلٸ بولعانداي, رەسپۋبليكالىق بيۋدجەتتٸك كوميسسييا زاڭ جوباسىن ٸسكە اسىرۋعا شامامەن 25 ملرد تەڭگە مٶلشەرٸندە 2022-2024 جىلدارعا ارنالعان شىعىستاردى ماقۇلدادى. بۇل شىعىستارعا بەيٸندٸ قىزمەتكەرلەردٸ ەلەۋمەتتٸك قورعاۋ, مەملەكەتتٸك زەرتحانالىق بازانى قوسىمشا جاراقتاندىرۋ, بيوقاۋٸپسٸزدٸك سالاسىندا بٸرىڭعاي مەملەكەتتٸك اقپاراتتىق جٷيەنٸ قۇرۋ جەنە جٷرگٸزۋ, ميكروورگانيزمدەر كوللەكتسيياسىن ۇستاپ تۇرۋ شىعىستارى كٸرەدٸ.
