قازاقستان مەن ماجارستان اراسىنداعى ديپلوماتييالىق قارىم-قاتىناسقا بيىل 30 جىل تولدى, دەپ حابارلايدى قازاقپارات.
بۇل تۋرالى قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتونىڭ قازاقستانعا جۇمىس ساپارى بارىسىندا ايتتى.
«ماجار دوستارىمىزدىڭ ەلٸمٸزگە ساپارى قازاقستان مەن ماجارستان اراسىنداعى ديپلوماتييالىق قارىم-قاتىناستىڭ 30 جىلدىق مەرەيتويىمەن تۇسپا-تۇس كەلۋٸنٸڭ سيمۆولدىق مەنٸ زور. بٷگٸن بٸز پەتەر سييارتو مىرزامەن اشىقتىق پەن ٶزارا تٷسٸنٸستٸك رۋحىندا ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى قازاقستان-ماجارستان بايلانىستارىن تالقىلاپ, جاھاندىق جەنە ٶڭٸرلٸك كٷن تەرتٸبٸنٸڭ كٶكەيكەستٸ مەسەلەلەرٸ بويىنشا پٸكٸر الماستىق. سونىمەن قاتار, ماجار ەرٸپتەستەرٸمٸزدٸ ەلدە جٷزەگە اسىرىلىپ جاتقان اۋقىمدى ساياسي رەفورمالار مەن بٸرقاتار ەلەۋمەتتٸك-ەكونوميكالىق شارالار تۋرالى اقپاراتپەن تانىستىرىپ ٶتتٸم», - دەدٸ مۇحتار تٸلەۋبەردٸ باق ٶكٸلدەرٸنە بەرگەن مەلٸمەتٸندە.
ونىڭ مەلٸمەتٸ بويىنشا, ەكٸ ەلدٸڭ اراسنىدا ساۋدا-ەكونوميكالىق جەنە ينۆەستيتسييالىق ىنتىماقتاستىق قارقىندى دامىپ كەلەدٸ.
«كوروناۆيرۋس ٸندەتٸنە قاراماستان, ٶتكەن جىلى ەكٸجاقتى تاۋار اينالىمى 23,2% ٶسٸپ, 138,7 ملن دوللارعا جەتتٸ. قازاقستاننىڭ ماجارستانعا ەكسپورتىن ەرتاراپتاندىرۋ ماقساتىندا مۇناي-گاز ٶڭدەۋ, مەتاللۋرگييا, حيمييا, قۇرىلىس جەنە ازىق-تٷلٸك ٶنەركەسٸبٸ ٶنٸمدەرٸمەن قامتاماسىز ەتۋگە دايىن ەكەنٸمٸزدٸ جەتكٸزدٸك. 2005 جىلدان بەرٸ قازاقستان ەكونوميكاسىنا ماجارستاننان 269 ملن اقش دوللارى كٶلەمٸندە تٸكەلەي ينۆەستيتسييالار تارتىلدى جەنە بۇل كٶرسەتكٸش جىلدان جىلعا ٶسٸپ كەلەدٸ. وتاندىق نارىقتا «MOL», «Gedeon Richter», «Egis» جەنە تاعى دا باسقا ٸرٸ ماجار كومپانييالارى جۇمىس ٸستەيدٸ», - دەدٸ مينيستر.
