تٶرت سالماق ديۆيزيونىنىڭ بۇرىنعى جەڭٸمپازى, جارتىلاي ورتا سالماقتاعى (66,7 كەلٸگە دەيٸن) امەريكالىق مايكي گارسييا (40-1, 30 كو) بوكس تاريحىنداعى سەگٸز سالماق ديۆيزيونىن باعىندىرعان جالعىز جەڭٸمپاز, اتى اڭىزعا اينالعان فيليپپيندٸك مەنني پاكياومەن (62-7-2, 39 كو) جەكپە-جەك ٶتكٸزۋگە كەلٸسكەنٸن مەلٸمدەدٸ, دەپ حابارلايدى "ۇلت اقپارات" Sports.kz-كە سٸلتەمە جاساپ.
امەريكالىقتىڭ ايتۋىنشا, جەكپە-جەك مامىر ايىندا ٶتەدٸ. ول دجو انكەرگە بۇل تۋرالى: «قازٸر بٸز كەلٸسٸمدٸ تٷپكٸلٸكتٸ اياقتاۋعا جاقىن قالدىق. ٶتەتٸن كٷنٸ مەن ورنى تۋرالى الداعى ەكٸ كٷندە شەشەمٸز دەپ ٷمٸتتەنەمٸز. بارلىعىن مامىر ايىندا ۇيىمداستىرۋعا تىرىسۋدامىز. بٸز بۇل جەكپە-جەككە جەتۋ ٷشٸن ۇزاق ۋاقىت جۇمىس ٸستەدٸك, كەلٸسسٶزدەر بٸرنەشە جىل بويى ٷزٸلٸستەرمەن جٷردٸ. ٶتكەن جىلى بٸز بارلىعىن ناقتىلاپ كەلٸسكەن بولاتىنبىز, بٸراق سودان كەيٸن پاندەمييا باستالدى. ەندٸ, سوڭعى اپتالاردا بٸز ٶتە جاقىنبىز. بٸز كەلٸسٸمشارتتىڭ سوڭعى ساتىلارىندامىز», - دەدٸ.
«مەن ٶتە قۋانىشتىمىن. مەنٸڭ ويىمشا, بۇل جەكپە-جەك ٶزٸم ٷشٸن جەنە مانسابىم ٷشٸن, سونداي-اق جانكٷيەرلەرٸم ٷشٸن ٶتە ماڭىزدى. شارشى الاڭعا اڭىزعا اينالعان پاكياومەن شىعۋ كەرەمەت», - دەيدٸ گارسييا.
جاقىندا WBA «سۋپەر چەمپيونى» پاكياو بوكسشىنىڭ بەلسەندٸلٸگٸنٸڭ تٶمەندٸگٸنە بايلانىستى «دەمالىستاعى چەمپيوندار» قاتارىنا اۋىستىرىلدى. ول سپورتتىق مانسابىن ساياسي مانساپپەن بٸرٸكتٸرۋدە. ول – فيليپپيندە سەناتور, پرەزيدەنتتٸككە ٷمٸتكەر.
