فوتو: Politico.kz
قازاقستان رەسپۋبليكاسى ٸشكٸ ٸستەر مينيسترلٸگٸنٸڭ قىزمەتكەرلەرٸ شەتەلدٸك ەرٸپتەستەرمەن ٶزارا ٸس-قيمىل نەتيجەسٸندە يندونەزييا رەسپۋبليكاسىنىڭ لومبوك ارالىنداعى سەنارۋ اۋىلىندا اسا اۋىر قىلمىس جاسادى دەپ كٷدٸككە ٸلٸنگەن ەر ادامدى ۇستادى, دەپ حابارلايدى Ult.kz.
ول قر قىلمىستىق كودەكسٸنٸڭ 99-بابى 2-بٶلٸگٸ بويىنشا كٷدٸككە الىنعان.
ونىمەن بٸرگە بۇعان دەيٸن حابار-وشارسىز كەتتٸ دەپ حالىقارالىق ٸزدەۋگە جارييالانعان بۇرىنعى جۇبايى دا انىقتالدى.
تەرگەۋ دەرەكتەرٸنە سەيكەس, 2025 جىلعى قاراشا ايىندا اتىراۋ وبلىسىندا كٷدٸكتٸ ۇزاققا سوزىلعان تۇرمىستىق جانجال مەن پايداكٷنەمدٸك نيەت نەگٸزٸندە ەكٸ ادامدى قاساقانا ٶلتٸرۋدٸ الدىن الا جوسپارلاپ, جٷزەگە اسىرعان. قىلمىستى جاساعاننان كەيٸن ٸزٸن جاسىرۋ ماقساتىندا مەيٸتتەردٸ شارۋاشىلىق قۇرىلىسىنىڭ استىنا كٶمٸپ, قان ٸزدەرٸن جويعان, سونداي-اق جەبٸرلەنۋشٸلەردٸڭ مٷلكٸ مەن قاراجاتىن يەمدەنگەن.
قازٸرگٸ ۋاقىتتا ولاردى قازاقستان رەسپۋبليكاسىنا دەپورتاتسييالاۋ مەسەلەسٸ قاراستىرىلىپ جاتىر.
