Foto: Politico.kz
Qazaqstan Respýblikasy Ishki ister ministrliginiń qyzmetkerleri sheteldik áriptestermen ózara is-qimyl nátijesinde Indoneziia Respýblikasynyń Lombok aralyndaǵy Senarý aýylynda asa aýyr qylmys jasady dep kúdikke ilingen er adamdy ustady, dep habarlaidy Ult.kz.
Ol QR Qylmystyq kodeksiniń 99-baby 2-bóligi boiynsha kúdikke alynǵan.
Onymen birge buǵan deiin habar-osharsyz ketti dep halyqaralyq izdeýge jariialanǵan burynǵy jubaiy da anyqtaldy.
Tergeý derekterine sáikes, 2025 jylǵy qarasha aiynda Atyraý oblysynda kúdikti uzaqqa sozylǵan turmystyq janjal men paidakúnemdik niet negizinde eki adamdy qasaqana óltirýdi aldyn ala josparlap, júzege asyrǵan. Qylmysty jasaǵannan keiin izin jasyrý maqsatynda máiitterdi sharýashylyq qurylysynyń astyna kómip, qan izderin joiǵan, sondai-aq jábirlenýshilerdiń múlki men qarajatyn iemdengen.
Qazirgi ýaqytta olardy Qazaqstan Respýblikasyna deportatsiialaý máselesi qarastyrylyp jatyr.
