سەنات تٶراعاسى مەۋلەن ەشٸمباەۆ VII شاقىرىلىمداعى پارلامەنتتٸڭ بٸرٸنشٸ سەسسيياسىنداعى جۇمىسىن قورىتىندىلادى, دەپ حابارلايدى قازاقپارات.
«بٷگٸن بٸز جەتٸنشٸ شاقىرىلىمداعى پارلامەنتتٸڭ بٸرٸنشٸ سەسسيياسىنداعى سەناتتىڭ قورىتىندى وتىرىسىن ٶتكٸزٸپ وتىرمىز. سەسسييا بارىسىندا مەملەكەت باسشىسىنىڭ ەلٸمٸزدٸ جاڭعىرتۋ باعدارىن زاڭنامالىق تۇرعىدان قامتاماسىز ەتۋ ٷشٸن اۋقىمدى جۇمىس اتقارىلدى. پارلامەنت 63 زاڭ قابىلدادى. ولاردىڭ ٸشٸندە 15-ٸنە دەپۋتاتتىق كورپۋس باستاماشىلىق جاسادى. پالاتانىڭ قاراۋىنا تٷسكەن ەر زاڭ جوباسى جان-جاقتى قارالىپ, تۇراقتى كوميتەتتەر مەن جالپى وتىرىستاردا كەڭٸنەن تالقىلاندى. ازاماتتار مەن ساراپشىلار قوعامداستىعىنىڭ ۇسىنىستارى دا نازاردان تىس قالمادى. وسى ورايدا, پرەزيدەنتتٸڭ باستاماشى بولۋىمەن قابىلدانعان جەردٸ شەتەلدٸكتەرگە ساتۋعا جەنە جالعا بەرۋگە تىيىم سالعان زاڭدى ەرەكشە اتاپ ٶتكەن جٶن.
وسىلايشا بۇل مەسەلە تٷبەگەيلٸ شەشٸلدٸ. سايلاۋ زاڭناماسىنا ماڭىزدى ٶزگەرٸستەر جاسالدى. اۋىل ەكٸمدەرٸن تٸكەلەي سايلاۋ تۋرالى نورما قابىلداندى. ساياسي پارتييالاردىڭ مەجٸلٸس پەن مەسليحاتتارعا ٶتۋ شەگٸ تٶمەندەتٸلدٸ جەنە سايلاۋ بيۋللەتەندەرٸنە «بەرٸنە قارسىمىن» دەگەن جول قوسىلدى», - دەدٸ م. ەشٸمباەۆ.
ونىڭ ايتۋىنشا, جەرگٸلٸكتٸ مەملەكەتتٸك باسقارۋ مەن ٶزٸن-ٶزٸ باسقارۋدى دامىتۋ بويىنشا دا شارالار قابىلداندى. اۋىل حالقىنىڭ ٶزەكتٸ مەسەلەلەرٸن تيٸمدٸ شەشۋ ٷشٸن جەرگٸلٸكتٸ بيلٸك ورگاندارىنا قوسىمشا فۋنكتسييالار مەن ٶكٸلەتتٸكتەر بەرٸلدٸ. سەنات دەپۋتاتتارى ەكونوميكالىق ٶسٸمدٸ قالپىنا كەلتٸرۋگە, ٸندەتتٸڭ تارالۋىنا توسقاۋىل قويۋعا, شاعىن جەنە ورتا بيزنەستٸ قولداۋعا كٶپ كٶڭٸل بٶلدٸ. بۇل ٶزگەرٸستەردٸڭ تٷپكٸ ماقساتى – ازاماتتارىمىزدىڭ ەل-اۋقاتىن ارتتىرۋ ەكەنٸ سٶزسٸز.
«اشىقتىقتى ارتتىرۋ ٷشٸن كۆازيمەملەكەتتٸك سەكتوردىڭ ساتىپ الۋلارى العاش رەت زاڭمەن رەگلامەنتتەلدٸ. سوت-قۇقىق قورعاۋ سالاسىندا قابىلدانعان زاڭنامالىق ٶزگەرٸستەردٸڭ اۋقىمدى بٶلٸگٸ ازاماتتاردىڭ قۇقىقتارىنىڭ قورعالۋىنا, كەسٸپكەرلەردٸ زاڭسىز ارالاسۋدان قورعاۋعا باعىتتالدى. مەملەكەت باسشىسىنىڭ تاپسىرمالارىن ٸسكە اسىرۋ ٷشٸن ۇلتتىق زاڭنامادا العاش رەت «ەلەۋمەتتٸك كەسٸپكەرلٸك» ۇعىمىنا انىقتاما بەرٸلدٸ. مەملەكەت تاراپىنان وسى باعىتتى قولداۋدىڭ ناقتى شارالارى مەن تەتٸكتەرٸ بەلگٸلەندٸ. بۇل ماڭىزدى زاڭ جوباسىن سەناتورلار قىسقا مەرزٸمدە ٷكٸمەتپەن جەنە ەلەۋمەتتٸك كەسٸپكەرلەرمەن بٸرلەسٸپ دايىندادى», - دەدٸ سەنات تٶراعاسى.
بىلتىرعى قىركٷيەك ايىنان بەرٸ سەناتورلار 7 زاڭ جوباسىنا باستاماشى بولىپ, ونىڭ 6-ۋى قابىلداندى. سونداي-اق, سەنات دەپۋتاتتارىنىڭ باستاماشىلىعىمەن تاعى 14 زاڭ جوباسى بويىنشا جۇمىس جٷرگٸزٸلۋدە. سەنات قابىرعاسىندا «جاھاندانۋ دەۋٸرٸندە ۇلتتىق قۇندىلىقتاردى دەرٸپتەۋ – كەشەندٸ جاڭعىرۋدىڭ نەگٸزٸ» تاقىرىبىنا ارنالعان پارلامەنتتٸك تىڭداۋ ٶتكٸزٸلدٸ. وتىرىس بارىسىندا ۇلتتىق مٷددەمٸزگە قاتىستى ماڭىزدى مەسەلەلەر كٶتەرٸلٸپ, تيٸستٸ ۇسىنىمدار ەزٸرلەندٸ. سەناتتا مەملەكەت باسشىسىنىڭ تاپسىرماسى بويىنشا جارىق كٶرگەن «اشارشىلىق. گولود. 1928-1934. دەرەكتٸ حرونيكا» اتتى جاڭا ەڭبەك كٶپشٸلٸككە تانىستىرىلدى.
«سەناتورلار ٶڭٸرلەرگە بارىپ, حالىقپەن جەنە ەڭبەك ۇجىمدارىمەن ٷش جٷزگە جۋىق كەزدەسۋ ٶتكٸزدٸ. بۇدان بٶلەك, تۇراقتى كوميتەتتەر ٶتكٸزگەن 3 ٷكٸمەت ساعاتى, 5 كٶشپەلٸ وتىرىس, 40 دٶڭگەلەك ٷستەل مەن كەزدەسۋ اياسىندا پرەزيدەنت تاپسىرمالارىنىڭ, زاڭداردىڭ جەنە مەملەكەتتٸك باعدارلامالاردىڭ ورىندالۋ بارىسى جان-جاقتى قارالدى. وسى ٸس-شارالاردا قابىلدانعان ۇسىنىمدار جاۋاپتى مەملەكەتتٸك ورگاندارعا جٸبەرٸلدٸ. ونىڭ بەرٸ سەناتتىڭ باقىلاۋىندا بولادى. اعىمداعى سەسسييادا ەرٸپتەستەرٸمٸز 45 دەپۋتاتتىق ساۋال جولداپ, ورتالىق مەملەكەتتٸك ورگانداردىڭ نازارىن ٶزەكتٸ مەسەلەلەرگە اۋداردى جەنە ولاردى شەشۋ جولدارىن ۇسىندى», - دەدٸ سەنات تٶراعاسى.
سونىمەن قاتار ول 30 ماۋسىمدا بٸرلەسكەن وتىرىس ٶتەتٸنٸن, وندا بٸرٸنشٸ سەسسييانىڭ جۇمىسىنا قورىتىندى جاسالىپ, پارلامەتتٸك كانيكۋل جارييالاناتىنىن ايتتى.
«پارلامەنتتٸك كانيكۋل كەزەڭٸندە دەپۋتاتتاردىڭ جۇمىسى توقتاپ قالمايتىنى بەلگٸلٸ. سٸزدەر ٶڭٸرلەرگە بارىپ, حالىقپەن, جۇرتشىلىقپەن كەزدەسەسٸزدەر. سونىڭ اياسىندا جەرگٸلٸكتٸ جەرلەردەگٸ پروبلەمالاردى زەردەلەپ, سىندارلى ۇسىنىستار جيناقتايسىزدار. ونىڭ بارلىعى دا الداعى دەپۋتاتتىق قىزمەتٸمٸزگە نەگٸز بولاتىنى سٶزسٸز», - دەدٸ ەشٸمباەۆ.
