اقمولا وبلىسىنا ساپارى بارىسىندا «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ كٶكشەتاۋ قالاسىنداعى سۋ باسقان «پريۆوكزالنىي» شاعىن اۋدانىنىڭ تۇرعىندارىمەن كەزدەستٸ, دەپ حابارلايدى "ۇلت اقپارات".
پارتييانىڭ فەيسبۋكتەگٸ پاراقشاسىندا جارييالانعان اقپاراتقا سەنسەك, اتالعان مەسەلەگە بايلانىستى مەۋلەن ەشٸمباەۆ پارتييانىڭ جەرگٸلٸكتٸ فيليالىنا تٶتەنشە جاعدايمەن كٷرەس جۇمىستارىن باقىلاۋدا ۇستاپ, زارداپ شەككەن ەر ازاماتتىڭ مەملەكەت تاراپىنان بەرٸلەتٸن مٸندەتتٸ كٶمەكتٸ الۋىن قامتاماسىز ەتۋدٸ تاپسىردى.
«ەلباسى, پارتييا تٶراعاسىنىڭ الدىمىزعا قويىپ وتىرعان ەڭ باستى مٸندەتتەرٸنٸڭ بٸرٸ - حالىقتى الاڭداتقان كەز كەلگەن مەسەلەنٸ وڭ شەشۋگە ىقپال ەتۋ. سوندىقتان سۋ تاسقىنى سيياقتى ايتىپ كەلمەيتٸن اپاتتان زارداپ شەككەن ازاماتتارعا قولداۋ كٶرسەتۋ - پارتييا جۇمىسىنداعى باسىمدىقتاردىڭ بٸرٸ. مۇنداي مەسەلەنٸ قايتا بولدىرماس ٷشٸن الدىن الۋ جۇمىستارىن كٷشەيتٸپ, باستى سەبەبٸمەن كٷرەسۋٸمٸز كەرەك. سوندىقتان, پارتييا وبلىس باسشىلىعىنىڭ وسى باعىتتاعى جۇمىستارىن تٸكەلەي ٶز باقىلاۋىندا ۇستايدى», - دەدٸ مەۋلەن ەشٸمباەۆ.
ايتا كەتەيٸك, 2 سەۋٸر كٷنٸ اقمولا وبلىسىندا قىپشاقتى ٶزەنٸندە سۋ دەڭگەيٸ كٶتەرٸلٸپ, تٶتەنشە جاعداي سالدارىنان كٶكشەتاۋ قالاسىنداعى بەس تۇرعىن ٷي مەن 15 اۋلا سۋ استىندا قالدى. ٶڭٸر باسشىلىعىنىڭ مەلٸمەتٸنە سٷيەنسەك, قازٸرگٸ تاڭدا وبلىس ورتالىعىندا تاسقىن سۋ مەسەلەسٸ بٸرقالىپتى. تٶتەنشە جاعدايمەن كٷرەسۋ ٷشٸن ارنايى تەحنيكالار مەن جەكە قۇرامنىڭ 80 ادامى جۇمىلدىرىلىپ, اپاتتىڭ سالدارىن جويۋ جۇمىستارى قارقىندى جٷرٸپ جاتىر.
