بٷگٸن استاناداعى ەسٸل اۋداندىق سوتىندا سەيٸتقازى جەنە ەسەت ماتاەۆتارعا قاتىستى قوزعالعان قىلمىستىق ٸس بويىنشا الدىن-الا سوت تىڭداۋى ٶتتٸ. سوت وتىرىسىندا ماتاەۆتاردىڭ قورعاۋشىلارى 7 ٶتٸنٸش بٸلدٸردٸ. ولار سوت زالىنا كومپيۋتەر ەكەلۋدٸ, كارديولوگ-دەرٸگەردٸڭ وتىرىسقا قاتىسۋىن, ەكەلٸ-بالالى ماتاەۆتاردى ٷيقاماقتان كەپٸلگە بوساتۋدى, قىلمىستىق ٸس ماتەريالدارى بويىنشا ەكونوميكالىق ساراپتاما جٷرگٸزۋدٸ, ٶزدەرٸ قورعايتىن ادامداردى قولايلى پەتەرگە اۋىستىرۋدى, سوتتىڭ قىلمىستىق ٸستٸ قاراۋ مەرزٸمٸن ۇزارتۋدى جەنە باستى سوت وتىرىستارىن الماتى قالاسىندا ٶتكٸزۋدٸ ٶتٸندٸ. بٸراز ۋاقىت كەڭەسۋ بٶلمەسٸنە كەتكەن سوتقا تٶراعالىق ەتۋشٸ سۋديا اقبولات قۇرمانتاەۆ جوعارىداعى ٶتٸنٸشتەردٸڭ تەك ٷشەۋٸن عانا قاناعاتتاندىردى.
سايىپ كەلگەندە, سۋديا جوعارىداعى ٶتٸنٸشتەردٸڭ ٷشەۋٸن عانا قاناعاتتاندىردى. ول سوتقا دەرٸگەردٸڭ قاتىسۋىنا رۇقسات ەتتٸ. سەبەبٸ سوتتاعى تىڭداۋدا قورعاۋشىلار سەيٸتقازى ماتاەۆتىڭ دەنساۋلىعىنىڭ مەز ەمەس ەكەنٸن ايتىپ, شاعىمدانعان بولاتىن. سونىمەن قاتار, سوت شەشٸمٸمەن قورعاۋشىلار سوت زالىنا كومپيۋتەرلەرٸن ەكەلۋگە مٷمكٸندٸك الدى. ٷشٸنشٸدەن, تٶراعالىق ەتۋشٸ سۋديا قىلمىستىق ٸس بويىنشا ماتەريالداردى قاراۋ مەرزٸمٸن ۇزارتتى. سەبەبٸ قورعاۋشىلار ماتەريالدارمەن تولىق تانىسۋ ٷشٸن ٸستٸ قاراۋ مەرزٸمٸن ۇزارتۋدى سۇراعان بولاتىن. اقبولات قۇرمانتاەۆ اتالعان قىلمىستىق ٸس بويىنشا ەڭ باستى سوت وتىرىسىن اعىمداعى جىلدىڭ 23 تامىزىنا اۋىستىردى.
جەتٸ ٶتٸنٸشتٸڭ تٶرتەۋٸ قاناعاتتاندىرىلمادى. ايىپتالۋشىلاردى كەپٸلگە بوساتۋ تۋرالى ٶتٸنٸشكە سۋديا ا. قۇرمانتاەۆ مىناداي تٷسٸنٸك بەردٸ: «ايىپتالۋشىلاردى ٷيقاماقتان كەپٸلگە بوساتۋدى تۋرالى. بٸز بۇل ٶتٸنٸشتٸ قاناعاتتاندىرعان جوقپىز. سەبەبٸ ايىپتالۋشىلار كەپٸلگە بوساتىلعان جاعدايدا ولاردىڭ تاراپىنان كۋەگەرلەرگە قىسىم جاسالۋى مٷمكٸن». ايتا كەتەلٸك, قازاقستان جۋرناليستەر وداعىنىڭ بۇرىنعى باسشىسى سەيٸتقازى ماتاەۆ پەن «قازتاگ» اقپاراتتىق اگەنتتٸگٸنٸڭ باس ديرەكتورى ەسەت ماتاەۆ الاياقتىق جەنە سالىق تٶلەۋدەن جالتارۋ باپتارى بويىنشا ايىپتالۋدا.
ەمٸرلان ەلٸمجان
