سۋرەت: primeminister.kz
مەجٸلٸس دەپۋتاتتارىنا «ماسس-مەديا تۋرالى» زاڭ جوباسىن بٸرٸنشٸ وقىلىمدا تانىستىرعان ايدا بالاەۆاعا «QosLike», «قالاۋلىم» سيياقتى باعدارلامالاردى جابۋ مٷمكٸندٸگٸ تۋرالى سۇراق قويىلدى, دەپ حابارلايدى Kazinform.
«بٸزدە قوعامنىڭ نارازىلىعىن تۋدىرعان باعدارلامالار كٶپ. «QosLike», «قالاۋلىمدارىڭىزدى» ايتپاعاننىڭ ٶزٸندە, ودان باسقاسى دا بار. ونىڭ زاردابىن دا حالىق تارتىپ جاتىر. جاڭاعى اناۋ-مىناۋ باعدارلامالاردان تانىلىپ العان جاستار ونلاين ويىن پلاتفورمالارىن جارنامالايدى, دەلەل بار. ونىڭ سىرتىندا نەشە تٷرلٸ توك-شوۋ بار. ٶزٸنٸڭ قىزىمەن جىنىستىق قاتىناستا بولعان ەكە تۋرالى باعدارلامانى, جىنىسىن اۋىستىرعان ادامداردى بٸز نەگە تەلەارنالاردان كٶرۋٸمٸز كەرەك? وسىعان مونيتورينگ جاساپ, توقتاتۋ تۋرالى ۇسىنىس بەردٸك. «ماسس-مەديا» تۋرالى زاڭنىڭ اياسىندا وسىلاردى توقتاتۋ تۋرالى تەتٸك بار ما?», - دەپ سۇرادى دەپۋتات رينات زايتوۆ.
مينيستر ا.بالاەۆا دەپۋتات اتاعان باعدارلامالاردى جاساۋعا بيۋدجەتتەن قارجى بٶلٸنبەيتٸنٸن اتاپ ٶتتٸ.
«سٸز ايتىپ وتىرعان باعدارلامالار كٶپ پٸكٸرتالاس تۋدىرىپ جاتقانى انىق. انا رەتٸندە, مەملەكەتتٸك قىزمەتشٸ رەتٸندە مەن سٸزدٸڭ جانايقايىڭىزدى تٷسٸنٸپ وتىرمىن. دەسە دە, بٸز مەملەكەتتٸك ورگان رەتٸندە مۇنداي باعدارلامالارعا قارجى بٶلمەيمٸز. بۇعان مەن كەپٸلدٸك بەرەمٸن. وعان اقشا تٶلەنبەيدٸ. ونداي باعدارلامالار بۇقارالىق اقپارات قۇرالدارىنىڭ ٶز تابىسىنا جاسالادى. دەسە دە, ول مەسەلە جالپى بٸزدٸڭ قوعامنىڭ بولاشاعىنا ىقپالىن تيگٸزەتٸن بولعاننان كەيٸن مەن وسى مەسەلەنٸ ەكٸنشٸ وقىلىمدا قاراۋعا دايىنمىن. ەكٸنشٸدەن, سول بۇقارالىق اقپارات قۇرالدارىنىڭ جەتەكشٸلەرٸن شاقىرىپ, وسى مەسەلەگە قاتىستى تالقىلاۋ جاساۋعا دايىنمىن. ٶيتكەنٸ ونىڭ كونتسەپتسيياسى بار. ول ەندٸ بٸر جىلدىق, ەكٸ جىلدىق دٷنيە ەمەس قوي. قانشا جىلدان بەرٸ ايتىپ جٷرمٸز?! ٶكٸنٸشكە قاراي, سونداي باعدارلامالاردى تاپجىلماي قاراپ وتىراتىن ادامدار دا بار. سوندىقتان وسىنى دۇرىستاپ قارايىق. مەن وعان كەلٸسەمٸن», - دەدٸ ايدا بالاەۆا.
