فوتو: pixabay.com
مەجٸلٸس دەپۋتاتتارىنا «ماسس-مەديا تۋرالى» زاڭ جوباسىن بٸرٸنشٸ وقىلىمدا تانىستىرعان ايدا بالاەۆا تالاي پٸكٸرتالاسقا تاقىرىپ بولعان «باسپاسٶز كارتاسى» تۋرالى نورماعا تٷسٸنٸك بەردٸ, دەپ حابارلايدى Kazinform اگەنتتٸگٸ.
«بٸز, «Amanat» فراكتسيياسى بۇل نورماعا ٷزٸلدٸ-كەسٸلدٸ قارسىمىز. مۇنداي قۇيتىرقى فورماتتى شەكتەۋ نورمالارىن ەنگٸزۋدٸ قويۋ كەرەك دەپ ەسەپتەيمٸز. وسىعان وراي, مەجٸلٸستەگٸ «Amanat» فراكتسيياسى ٶز الاڭداۋشىلىعىن بٸلدٸرٸپ, سالىستىرمالى كەستەدەن ول نورمانى الىپ تاستاۋدى ۇسىنعان. ناقتى سۇراعىم: وسى نورماعا سالالىق مينيستر رەتٸندە كٶزقاراسىڭىز قانداي? جۋرناليستەر قاۋىمى مەن «Amanat» دەپۋتاتتارىنىڭ ۇستانىمىن قولدايسىز با?», – دەپ سۇرادى مەجٸلٸس دەپۋتاتى ايدوس سارىم.
مينيستر بۇل نورمانى زاڭ جوباسىندا قالدىرۋ نەمەسە قالدىرماۋ مەسەلەسٸ ەلٸ ناقتى شەشٸلمەگەنٸن ايتتى.
«بۇل تارماق, باستاما جۋرناليستەردٸڭ ەشقانداي قۇقىعىن بۇزبايدى. سەبەبٸ بٸزدٸڭ مينيسترلٸكتٸڭ 2024 جىلعى جۇمىس جوسپارىندا مەديا سالاسىنداعى بارلىق مەسەلەنٸ رەتتەۋ ٷشٸن مەدياپلاتفورما جاساقتاپ, ٸسكە قوسۋدى قاراستىرىپ وتىرمىز. ول باق-تىڭ زاڭدى ەسەپكە تۇرۋى, ەسەپتەن شىعۋى, گازەت-جۋرنالداردىڭ تٷپنەگٸزٸن ساقتاۋ, اككرەديتتەۋ مەسەلەلەرٸن اۆتوماتتاندىرۋ ٷشٸن قۇرىلادى. بۇل – جۋرناليستەردٸڭ جۇمىسىن جەڭٸلدەتۋگە باعىتتالعان نورما بولاتىن. بۇل نورما دەپۋتاتتار كورپۋسىن دا, جۋرناليستەردٸ دە ەكٸگە بٶلٸپ وتىرعانىن ەسكەرٸپ, ەكٸنشٸ وقىلىمعا دەيٸن تاعى دا جان-جاقتى قاراپ, ورتاق بٸر مەمٸلەگە كەلسەك بولادى. بٸز بەلدەن باسىپ, تەك قانا ٶزٸمٸزدٸڭ نورمامىزدى ەنگٸزەمٸز دەگەن مەسەلە جوق», – دەدٸ مينيستر.
