جۇما كٷنٸ «شەرەمەتەۆو» مەسكەۋ حالىقارالىق ەۋەجايىندا «س-1» تەرمينالىنىڭ رەسمي اشىلۋى بولدى, دەپ حابارلايدى قازاقپارات.
«س-1» تەك حالىقارالىق رەيستەرگە قىزمەت كٶرسەتەتٸن بولادى. العاشقىدا مۇندا «اەروفلوتتىڭ» بارلىق رەيستەرٸ اۋىستىرىلادى. تەرمينال جىلىنا 20 ميلليونعا جۋىق جولاۋشىعا قىزمەت كٶرسەتۋگە قاۋقارلى. ونىڭ اشىلۋىمەن ەۋەجايدىڭ ٶتكٸزۋ مٷمكٸندٸگٸ جىلىنا 80 ميلليون ادامعا دەيٸن ارتادى. 2024 جىلدان كەيٸن شەرەمەتەۆودا تەرمينالدىڭ ەكٸنشٸ كەزەڭٸ - «س-2»-نٸڭ قۇرىلىسىن (جىلىنا 10 ملن جولاۋشى) باستاۋ كٶزدەلگەن.
«س-1» تەرمينالىندا جولاۋشىلاردى تٸركەيتٸن 84 ورىن بار. بيومەترييالىق تٶلقۇجاتتاردىڭ يەلەرٸن ازاماتتىڭ قاتىسۋىنسىز ٶتكٸزەتٸن اۆتوماتتى پاسپورتتىق باقىلاۋ بەكەتٸ قاراستىرىلعان.
سونداي-اق 2,5 مىڭ ماشيناعا ارنالعان التى قاباتتى پاركينگ جۇمىس ٸستەيدٸ.
اشىلۋ سالتاناتىندا «شەرەمەتەۆو» حالىقارالىق ەۋەجايىنىڭ» ديرەكتورلار كەڭەسٸنٸڭ تٶراعاسى الەكساندر پونومارەنكو تەرمينالدىڭ قۇرىلىسىنا 32 ملرد رۋبل (196 ملرد 160 ملن تەڭگە) جۇمسالعانىن اتاپ ٶتتٸ.
ەۋەجايدا اقپاراتتىق حابارلاندىرۋدىڭ اۆتوماتتى جٷيەسٸ ەنگٸزٸلگەن. مەسەلەن, نىساننىڭ تٶرت تەرمينالىندا (C, D, E جەنە F) رەيستٸڭ ۇشۋ باعىتىنا بايلانىستى اقپارات ورىس, اعىلشىن جەنە قازاق تٸلدەرٸندە ايتىلادى. ونىمەن قوسا, بارلىق دىبىستىق حابارلاندىرۋلار ەۋەجايدا ورناتىلعان مونيتورينگتە جٷگٸرتپە جولدا كٶرسەتٸلٸپ وتىرادى.
