مەسكەۋدٸڭ وڭتٷستٸك-باتىسىندا پەتەر تەرەزەسٸنەن وق جاۋدىرعان ەر ادام ۇستاۋ كەزٸندە جارالانىپ, اۋرۋحانادا قايتىس بولدى. بۇل تۋرالى مەسكەۋدٸڭ تەرگەۋ كوميتەتٸ باس تەرگەۋ باسقارماسىنىڭ ٶكٸلٸ يۋلييا يۆانوۆا مەلٸم ەتتٸ, دەپ حابارلايدى تاسس اگەنتتٸگٸ.
«مەديتسينالىق كٶمەك كٶرسەتكەن دەرٸگەرلەردٸڭ جۇمساعان كٷش-جٸگەرٸنە قاراماستان كٷدٸكتٸ قايتىس بولدى», - دەدٸ ول.
1969 جىلى تۋعان دميتريي پاۆلوۆ 7 ماۋسىم كەشكە قۇرىلىسشىلار كٶشەسٸندەگٸ پەتەردٸڭ تەرەزەسٸنەن كارابيننەن وق اتقان. ۇستاۋ كەزٸندە ول ارنايى بٶلٸمشە قىزمەتكەرلەرٸنە قارسىلىق كٶرسەتٸپ, جارالانعان.
بۇعان دەيٸن قۇقىق قورعاۋ ورگاندارىنداعى دەرەككٶزدە دەرٸگەرلەر ۇستالعان ادامعا وتا جاسالاتىنىن حابارلاعان بولاتىن.
«قىلمىس سەبەپتەرٸن انىقتاۋ ٷشٸن وعان ٶلگەننەن كەيٸنگٸ پسيحولوگييالىق-پسيحياترييالىق ساراپتاما جٷرگٸزٸلەدٸ», - دەپ حابارلادى قۇقىق قورعاۋ ورگاندارى.
اگەنتتٸكتٸڭ حابارلاۋىنشا, كٶرشٸلەرٸ ايتقانداي, ەر ادامنىڭ جاعدايى قيىن بولۋى مٷمكٸن, بٸراز ۋاقىت بۇرىن ەيەلٸمەن اجىراسقان ەكەن.
مارقۇمنىڭ ٷيٸنەن ٸشٸمدٸك مەن «فەنيبۋت» نووتروپتى پرەپاراتى تابىلعان.
«كٷدٸكتٸ تۇرىپ جاتقان پەتەردٸ تەكسەرۋ كەزٸندە نووتروپتى زات پەن بوس ٸشٸمدٸك بٶتەلكەلەرٸ تابىلدى», - دەدٸ يۋلييا يۆانوۆا.
اتىس كەزٸندە ٷيدٸڭ جانىنان ٶتٸپ بارا جاتقان ەكٸ ادام جاراقات العان.
«ەر ادام اۋرۋحاناعا جەتكٸزٸلدٸ, ەيەل ادام تەكسەرٸلٸپ, ٷيٸنە جٸبەرٸلدٸ, ونىڭ ٶمٸرٸ مەن دەنساۋلىعىنا ەش قاۋٸپ تٶنٸپ تۇرعان جوق», - دەدٸ باس تەرگەۋ باسقارماسىنىڭ ٶكٸلٸ.
ارنايى جاساق قىزمەتكەرٸ كٷدٸكتٸنٸ ۇستاۋ كەزٸندە جەڭٸل جاراقات الدى.
