Máskeýdiń ońtústik-batysynda páter terezesinen oq jaýdyrǵan er adam ustaý kezinde jaralanyp, aýrýhanada qaitys boldy. Bul týraly Máskeýdiń Tergeý komiteti bas tergeý basqarmasynyń ókili Iýliia Ivanova málim etti, dep habarlaidy TASS agenttigi.
«Meditsinalyq kómek kórsetken dárigerlerdiń jumsaǵan kúsh-jigerine qaramastan kúdikti qaitys boldy», - dedi ol.
1969 jyly týǵan Dmitrii Pavlov 7 maýsym keshke Qurylysshylar kóshesindegi páterdiń terezesinen karabinnen oq atqan. Ustaý kezinde ol arnaiy bólimshe qyzmetkerlerine qarsylyq kórsetip, jaralanǵan.
Buǵan deiin quqyq qorǵaý organdaryndaǵy derekkózde dárigerler ustalǵan adamǵa ota jasalatynyn habarlaǵan bolatyn.
«Qylmys sebepterin anyqtaý úshin oǵan ólgennen keiingi psihologiialyq-psihiatriialyq saraptama júrgiziledi», - dep habarlady quqyq qorǵaý organdary.
Agenttiktiń habarlaýynsha, kórshileri aitqandai, er adamnyń jaǵdaiy qiyn bolýy múmkin, biraz ýaqyt buryn áielimen ajyrasqan eken.
Marqumnyń úiinen ishimdik men «Fenibýt» nootropty preparaty tabylǵan.
«Kúdikti turyp jatqan páterdi tekserý kezinde nootropty zat pen bos ishimdik bótelkeleri tabyldy», - dedi Iýliia Ivanova.
Atys kezinde úidiń janynan ótip bara jatqan eki adam jaraqat alǵan.
«Er adam aýrýhanaǵa jetkizildi, áiel adam tekserilip, úiine jiberildi, onyń ómiri men densaýlyǵyna esh qaýip tónip turǵan joq», - dedi Bas tergeý basqarmasynyń ókili.
Arnaiy jasaq qyzmetkeri kúdiktini ustaý kezinde jeńil jaraqat aldy.
