رەسەي استاناسى مەسكەۋ قالاسىنا نٶسەر جاۋىن جاۋىپ, كٶشەلەر مەن مەترو ستانتسييالارىن سۋ باستى, دەپ حابارلايدى "ۇلت اقپارات" رەسەيلٸك تاسس اگەنتتٸگٸنە سٸلتەمە جاساپ.
كٷشتٸ جەل بٸرنەشە تالدى, جارناما باعاندارىن قۇلاتىپ, دٷكەن تەرەزەلەرٸن سىندىردى.
«قازٸرگٸ ۋاقىتتا مەسكەۋدٸڭ بٸرنەشە كٶشەسٸن سۋ باسقانى بەلگٸلٸ. وسى سەبەپتٸ كٶلٸك بايلانىسى قيىندادى. سونداي-اق «ياسەنەۆو» مەتروسىن دا سۋ باسىپ, پويىزدار تەك «تەپلىي ستان» مەن «نوۆوياسەنەۆو» ارقىلى عانا قاتىناۋدا», - دەدٸ اگەنتتٸكتٸڭ دەرەككٶزٸ.
بۇعان قوسا, كٷشتٸ جەل بٸرنەشە تالدى, جارناما باعاندارىن قۇلاتىپ, دٷكەندەردٸڭ ەينەكتەرٸن زاقىمدادى. جازعى دەمحاناعا كەلۋشٸلەردٸ سىرتقا شىعارۋعا تۋرا كەلدٸ.
«ششەلكوۆوداعى ساۋدا ورتالىعىنىڭ شاتىرىن جەل كٶتەرٸپ كەتتٸ. زارداپ شەككەندەر جوق», - دەدٸ ول.
سونىمەن قاتار, نوۆوكوسينودا قۇرىلىسى جٷرٸپ جاتقان تۇرعىن ٷيدٸڭ جىلىتقىش ماتەريالدارن جەل ۇشىرىپ ەكەتتٸ. سونداي-اق نوۆوياسەنەۆسك داڭعىلىنداعى «كاليتا» ساۋدا ٷيٸ مەن GreenPark تۇرعىن ٷيٸن سۋ باستى.
