كارانتين رەجيمٸن قاتاڭ ساقتاۋ - ەربٸر ازاماتتىڭ جەنە بيزنەس سۋبەكتٸسٸنٸڭ مٸندەتٸ. بۇل تۋرالى قر مەملەكەتتٸك باس سانيتارلىق دەرٸگەرٸ ايجان ەسماعامبەتوۆا ايتتى, دەپ حابارلايدى قازاقپارات.
كارانتين رەجيمٸن قاتاڭ ساقتاۋ ەربٸر ازاماتتىڭ جەنە بيزنەس سۋبەكتٸسٸنٸڭ مٸندەتٸ - ەسماعامبەتوۆا
«ٶڭٸرلەردەگٸ جەدەل شتابتاردىڭ جانىنان قۇرىلعان مونيتورينگ توپتارى بەكٸتٸلگەن رەجيمدٸ بۇزۋ فاكتٸلەرٸن انىقتاپ جاتىر. مەسەلەن, نۇر-سۇلتان قالاسىندا 358 نىسان تەكسەرٸلدٸ. ونىڭ ٸشٸندە 85 پايىزى بەكٸتٸلگەن تالاپتاردى ساقتامايدى. اتاپ ايتقاندا, 116 ازىق-تٷلٸك جەنە 94 ازىق-تٷلٸك ەمەس تاۋارلارى دٷكەنٸنٸڭ ساتۋشىلارى ماسكاسىز, قولعاپسىز, ارنايى كيٸمسٸز جۇمىس ٸستەگەن. قوعامدىق تاماقتانۋ ورىندارى, تٸس ەمحاناسى, شاشتارازدار مەن سۇلۋلىق سالوندارى دا قاۋٸپسٸزدٸك شارالارىن ساقتاماعان. بۇعان قوسا, نۇر-سۇلتان قالاسىندا قىزمەت كٶرسەتۋ سالاسى پەرسونالدارى اراسىندا كوروناۆيرۋس جاعدايلارى كٷن سايىن تٸركەلەتٸندٸگٸن اتاپ ٶتكٸم كەلەدٸ», - دەدٸ بٷگٸن ەلٸمٸزدٸڭ باس سانيتارلىق دەرٸگەرٸ ورتالىق كوممۋنيكاتسييالار قىزمەتٸندەگٸ بريفينگتە.
ونىڭ دەرەگٸنشە, الماتى قالاسىندا «سالاۆات ستروي» جشس-نٸڭ قۇرىلىس الاڭىن تەكسەرۋ بارىسىندا بەكٸتٸلگەن تالاپتىڭ جارتىسىنان كٶبٸنٸڭ ساقتالمايتىنى انىقتالعان. ازىق-تٷلٸك دٷكەندەرٸ نان جەنە نان ٶنٸمدەرٸن ساقتاۋ ەرەجەسٸن بۇزعان. سۇلۋلىق سالوندارى مەن قوعامدىق تاماقتانۋ ورىندارىندا ادامداردىڭ كٷتۋ الاڭىندا شوعىرلانۋى تٸركەلگەن.
«كارانتين رەجيمٸن قاتاڭ ساقتاۋ ەربٸر ازاماتتىڭ جەنە بيزنەس سۋبەكتٸسٸنٸڭ مٸندەتٸ. كەسٸپكەرلٸك سۋبەكتٸلەرٸ تالاپتاردى بۇزعانى ٷشٸن ەكٸمشٸلٸك جاۋاپكەرشٸلٸككە تارتىلىپ, نىسان جۇمىسى توقتاتىلۋى دا مٷمكٸن. ايىپپۇل كٶلەمٸ 5-تەن 500 اەك-كە دەيٸنگٸ سومانى قۇرايدى», - دەدٸ ايجان ەسماعامبەتوۆا.
