مەملەكەت باسشىسى قاسىم-جومارت توقاەۆ قورعانىس ماسكالارىنىڭ باعاسىن ارزانداتۋ شارالارىن قامتاماسىز ەتۋدٸ تاپسىردى, دەپ حابارلايدى "ۇلت اقپارات".
«قورعانىس ماسكالارىنا باعانى ەلەۋلٸ سومادا تٶمەندەتۋدٸ قامتاماسىز ەتۋ ماڭىزدى. ولاردىڭ قۇنى باسقا ەلدەرمەن سالىستىرعاندا, ونىڭ ٸشٸندە رەسەيگە قاراعاندا بۇرىنعىسىنشا ايتارلىقتاي جوعارى بولىپ تۇر. ٷكٸمەت ماسكانىڭ شەكتٸ بٶلشەك ساۋدا باعاسىن 60 تەڭگە شاماسىندا بەلگٸلەۋدٸ جوسپارلاپ وتىر. ماعان حابارلاعانداي, رەسەيدە ونىڭ قۇنى 20-دان 30 تەڭگەگە دەيٸن», - دەدٸ مەملەكەت باسشىسى.
وسى ورايدا پرەزيدەنت بەسەكەلەستٸكتٸ قورعاۋ جەنە دامىتۋ اگەنتتٸگٸنە باعاعا قاتىستى تالداۋ جٷرگٸزۋدٸ, سونداي-اق زەرتحانالىق قىزمەتتەر مەن جەكە قورعانىس زاتتارى باعىتىندا باعا ساياساتىنىڭ مونيتورينگٸن قامتاماسىز ەتۋدٸ تاپسىردى.
