فوتو: Newshub.kz
مەملەكەتكە وپاسىزدىق جاساعانى ٷشٸن سوتتالعان بۇرىنعى ۇقك تٶراعاسى كەرٸم مەسٸموۆتٸڭ ٷيٸنەن تەركٸلەنگەن قۇندى زاتتار اۋكتسيون ارقىلى ساتىلدى, دەپ حابارلايدى Ult.kz.
اۋكتسيونداعى ەڭ قىمبات لوت – تازا التىننان قۇيىلعان, «ەليزابەت ەكٸنشٸ» سەريياسىمەن شىققان 200 دوللارلىق كوللەكتسييالىق مونەتا بولدى. باستاپقى باعاسى 3,2 ميلليون تەڭگە بولعان بۇل تيىنعا تٶرت ادام تالاسىپ, تٷپكٸلٸكتٸ باعا 4,3 ميلليون تەڭگەگە دەيٸن كٶتەرٸلدٸ.
فوتو: cabinet-auction.e-qazyna.kz
سونىمەن قاتار, مەسٸموۆتەن تەركٸلەنگەن:
-
تٷرلٸ تٷستٸ ەمالمەن بەزەندٸرٸلگەن قىنابى بار قىلىش – 385 مىڭ تەڭگەگە;
-
ەكٸ كاۆكاز قانجارى – 438 مىڭ تەڭگەگە;
-
سارى مەتالدان جاسالعان پىشاق – 155 مىڭ تەڭگەگە;
-
ەشەكەي-بۇيىمدار – 42 مىڭ تەڭگەگە ساتىلدى.
قايتارىلعان اكتيۆتەردٸ باسقارۋ كومپانيياسى بۇل زاتتاردىڭ ناقتى يەسٸن جارييا ەتكەن جوق. دەگەنمەن اۋكتسيونعا شىعارىلعان بۇيىمداردىڭ بەرٸ مەسٸموۆتٸڭ زەۋلٸم ٷيٸنەن تەركٸلەنگەنٸ بەلگٸلٸ.
