قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا 2020 جىلعى قاڭتار-قىركٷيەكتەگٸ ٶنەركەسٸپ پەن ەنەرگەتيكالىق سەكتورداعى احۋال تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ پەن ەنەرگەتيكا مينيسترٸ نۇرلان نوعاەۆ, اگروٶنەركەسٸپتٸك كەشەندەگٸ جاعداي تۋرالى اۋىل شارۋاشىلىعى مينيسترٸ ساپارحان وماروۆ باياندادى, دەپ حابارلايدى primeminister.kz سايتى.
اتامقۇلوۆتىڭ ايتۋىنشا, ەلٸمٸزدە بيىلعى 9 ايدىڭ قورىتىندىسىندا ٶنەركەسٸپ ٶندٸرٸسٸنٸڭ كٶلەمٸ ٶتكەن جىل دەڭگەيٸندە ساقتالدى. 12 ٶڭٸردە وڭ نەتيجە كٶرسەتتٸ.
ٶڭدەۋ ٶنەركەسٸبٸندە ناقتى كٶلەم يندەكسٸ 3,3% ٶستٸ. بۇل ٶسٸم قاعاز ٶندٸرٸسٸ, مەتاللۋرگييا, جەڭٸل ٶنەركەسٸپ, ماشينا جاساۋ, فارماتسەۆتيكا سيياقتى سالالار ەسەبٸنەن بولدى.
«ماشينا جاساۋ سالاسى جاقسى نەتيجە كٶرسەتٸپ, ٶندٸرٸس 16,6% ٶستٸ. اۆتوكٶلٸك قۇرالدارى, ترەيلەرلەر جەنە جارتىلاي تٸركەمەلەر 51,6%, ٶزگە كٶلٸك قۇرالدارىن جاساۋ 100,4%, ەلەكتر جابدىقتارىن جاساۋ 3,5%, ماشينالار مەن جابدىقتار ٶندٸرٸسٸ 3% ٶستٸ», — دەپ حابارلادى اتامقۇلوۆ.
تٷستٸ مەتاللۋرگييادا ناقتى كٶلەم يندەكسٸ 2,2% ارتتى. وعان تازارتىلعان التىن 3%, راففينيرلەنگەن مىس 8%, قۇيما التىن ٶندٸرۋ 31%, تٷيٸرشٸكتەردەگٸ كٷمٸس 27%, باستاپقى اليۋمينيي 1% جەنە باسقا دا كٶرسەتكٸشتەردٸڭ ٶسۋٸ ەسەبٸنەن قول جەتكٸزٸلدٸ.
قارا مەتاللۋرگييادا ٶسٸم 0,1% بولدى. فەرروقورىتپالار ٶندٸرٸسٸ 0,4%, ارماتۋرا پروكاتى 11%, فەررو-سيليكو-مارگانەتس 9%, ارماتۋرالار, شارلار جەنە دومالاق شىبىقتاردىڭ تاۋار ٶندٸرٸسٸ 3,7% ٶستٸ.
فارماتسەۆتيكا ٶنەركەسٸبٸندە ٶندٸرٸس كٶلەمٸ 39,8% ارتتى. جەڭٸل ٶنەركەسٸپتە ٶندٸرٸس 14,1% ٶستٸ. ول توقىما بۇيىمدارى ٶندٸرٸسٸنٸڭ 6,4%, كيٸمنٸڭ 1% جەنە بىلعارى ٶنٸمدەردٸڭ 110,4% ۇلعايۋىنا بايلانىستى بولدى.
قاعاز جەنە قاعاز ٶنٸمدەرٸ ٶندٸرٸس كٶلەمٸنٸڭ ٶسٸمٸ 15,1% قۇرادى.
كٶلٸك سالاسىندا ناقتى كٶلەم يندەكسٸ 2020 جىلدىڭ 9 ايىندا 82,9% قۇرادى.
كونتەينەرلەردٸڭ ترانزيت تاسىمالى ٶتكەن جىلدىڭ وسى كەزەڭٸمەن سالىستىرعاندا 36% ارتىپ, 637,2 مىڭ جيىرما فۋنتتىق بالامانى قۇرادى.
كٶلٸكتٸڭ بارلىق تٷرٸمەن جٷك تاسىمالداۋ كٶلەمٸ 2,8 ملرد توننانى نەمەسە ٶتكەن جىلمەن سالىستىرعاندا 92,6% قۇرادى.
پاندەمييانىڭ كٶلٸك سالاسىنا تەرٸس ەسەرٸنە قاراماستان, جەكەلەگەن باعىتتاردا ٶسٸم بولدى. 2020 جىلدىڭ قىركٷيەگٸندە تاسىمالدانعان جولاۋشىلار سانى بيىلعى تامىز ايىمەن سالىستىرعاندا 16,3% ٶستٸ.
ەۋەمەن جولاۋشىلار تاسىمالى 11,5% ارتىپ, 0,61 ملن ادامدى قۇرادى.
قىتاي – ەۋروپا – قىتاي باعىتىندا كونتەينەرلٸك تاسىمالدار 2,2% نەمەسە 1100 جيىرما فۋنتتىق بالاماعا ارتىپ, 50 800 جەتتٸ.
جٷك تاسىمالى سالاسىندا دا ٶسٸم بار. اتاپ ايتقاندا, قىركٷيەك ايىندا جٷك تاسىمالىنىڭ جالپى كٶلەمٸ تامىزبەن سالىستىرعاندا 0,9% ٶستٸ.
قۇرىلىس سالاسىندا ناقتى كٶلەم يندەكسٸ 2020 جىلدىڭ 9 ايىندا 110,5% قۇرادى. ول ٶڭٸرلەردە قۇرىلىس-مونتاجداۋ جۇمىستارىن قايتا جاڭعىرتۋعا بايلانىستى قۇرىلىس كٶلەمٸن ارتتىرۋ ەسەبٸنەن قامتاماسىز ەتٸلدٸ. 16 ٶڭٸردە وڭ ديناميكا بايقالادى.
تۇرعىن ٷي قۇرىلىسىندا بيىلعى 9 اي قورىتىندىسىندا 9,6 ملن شارشى مەتر باسپانا پايدالانۋعا بەرٸلدٸ. بۇل – ٶتكەن جىلدىڭ وسى كەزەڭٸمەن سالىستىرعاندا 109% قۇرادى.
رەسپۋبليكا بويىنشا بارلىعى 85 مىڭ 418 باسپانا پايدالانۋعا بەرٸلدٸ. 14 ٶڭٸردە تۇرعىن ٷيدٸ پايدالانۋعا بەرۋ كٶلەمٸ ارتتى.
«مينيسترلٸك جەتەكشٸلٸك ەتەتٸن سالالاردا 2020 جىلعا قويىلعان مٸندەتتەردٸ ورىنداۋ ٷشٸن بارلىق قاجەتتٸ شارالاردى قابىلداپ جاتىر. جىل قورىتىندىسى بويىنشا جوسپارلى كٶرسەتكٸشتەرگە قول جەتكٸزەمٸز», — دەدٸ اتامقۇلوۆ.
اۋىل شارۋاشىلىعى مينيسترٸ ساپارحان وماروۆ اتاپ ٶتكەندەي, 9 ايدىڭ قورىتىندىسى بويىنشا جالپى اۋىل شارۋاشىلىعى ٶنٸمٸنٸڭ كٶلەمٸ 5%-عا ۇلعايىپ, 4,4 ترلن تەڭگەنٸ قۇرادى.
بۇل ٶسٸم نەگٸزٸنەن ٶسٸمدٸك شارۋاشىلىعىنداعى ٶندٸرٸس كٶلەمٸنٸڭ 7%-عا ۇلعايۋى ەسەبٸنەن قامتاماسىز ەتٸلدٸ. وبلىستار بٶلٸنٸسٸندە 2 وبلىستا رەسپۋبليكالىق دەڭگەيدەن جوعارى قارقىن بايقالدى.
مال شارۋاشىلىعى ٶنٸمٸنٸڭ جالپى كٶلەمٸ كٶرسەتٸلگەن كەزەڭدە 2,7%-عا ۇلعايىپ, 1,9 ترلن تەڭگەنٸ قۇرادى. بۇل رەتتە تٸرٸدەي سالماقتاعى ەت ٶندٸرۋ كٶلەمٸ 3,8%-عا, سٷت 3,1%-عا ۇلعايدى.
كٶرسەتٸلگەن مەرزٸمدە تاماق ٶنٸمدەرٸن ٶندٸرۋ كٶلەمٸ 3,5%-عا ٶسٸپ, 1 404,2 ملرد تەڭگەنٸ قۇرادى.
اتاپ ايتقاندا, ٶڭدەلگەن كٷرٸش ٶندٸرۋ كٶلەمٸنٸڭ 54,5%-عا, شۇجىق ٶنٸمدەرٸنٸڭ 19,6%-عا, سارى مايدىڭ 14,2%-عا, قۇس ەتٸنٸڭ 11,4%-عا, جارمانىڭ 10,9%-عا, ماكاروننىڭ 10,9%-عا, ۇننىڭ 7,4%-عا, قىشقىل سٷت ٶنٸمدەرٸنٸڭ 5,2%-عا, ٶسٸمدٸك مايىنىڭ 0,7%-عا ارتقانى بايقالدى.
«اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار 15,1%-عا ۇلعايىپ, 380,6 ملرد تەڭگەنٸ, تاماق ٶنٸمدەرٸ ٶندٸرٸسٸنە سالىنعان ينۆەستيتسييالار 17,2%-عا ارتىپ, 64,7 ملرد تەڭگەنٸ قۇرادى», — دەدٸ وماروۆ.
ەنەرگەتيكا مينيسترٸ ن. نوعاەۆتىڭ ايتۋىنشا, وسى جىلدىڭ قاڭتار-قىركٷيەك ايلارىنىڭ قورىتىندىسى بويىنشا مۇناي جەنە كوندەنسات ٶندٸرۋ كٶلەمٸ 64,7 ملن توننانى قۇرادى, بيىلعى 9 ايدىڭ جوسپارىنا 100,5%. سونىڭ ٸشٸندە, iرٸ جوبالار بويىنشا كٶرسەتكٸشتەر تٶمەندەگٸدەي:
- تەڭٸزدە اتالعان كەزەڭدە 20,2 ملن توننا مۇناي ٶندٸرٸلدٸ, بۇل ەسەپتٸ ايدىڭ جوسپارىنا 100,5% قۇرايدى.
- قاشاعاندا مۇناي ٶندٸرۋ كٶلەمٸ 11,5 ملن توننانى قۇرادى ياعني, قاڭتار-قىركٷيەك ايلارىنىڭ جوسپارى 100%-عا ورىندالدى.
- قاراشىعاناقتىڭ كٶرسەتكٸشٸ 9 ملن توننانى قۇراپ وتىر, بيىلعى 9 اي جوسپارىمەن سالىستىرعاندا 102,2%-دى كٶرسەتٸپ وتىر.
وسى 9 اي ٸشٸندە 52,2 ملن توننا مۇناي ەكسپورتتالدى, ياعني ەسەپتٸ مەرزٸمنٸڭ جوسپارى 100% ورىندالدى.
ەسەپتٸ كەزەڭ ٸشٸندە 41,6 ملرد تەكشە مەتر كٶلەمٸندە گاز ٶندٸرٸلدٸ, بۇل قاڭتار-قىركٷيەك ايلارىنىڭ جوسپارىمەن سالىستىرعاندا 99% قۇرايدى.
تاۋارلىق گازدى ٸشكٸ تۇتىنۋ كٶلەمٸ 11,1 ملرد تەكشە مەترگە جەتتٸ, بۇل بيىلعى جىلدىڭ 9 ايىنىڭ جوسپارىنا 100%.
ەكسپورتقا شىعارىلعان گاز كٶلەمٸ 10,3 ملرد تەكشە مەتردٸ قۇرادى, بۇل ەسەپتٸ ايدىڭ جوسپارىنا 78,6% قۇرايدى.
بيىلعى جىلدىڭ قاڭتار-قىركٷيەك ايلارىنىڭ قورىتىندىسى بويىنشا 11,5 ملن توننا مۇناي ٶڭدەلدٸ, بۇل كٶرسەتكٸش قاڭتار-قىركٷيەك ايلارىنىڭ جوسپارىنا 98,1% قۇرايدى, سونىڭ ٸشٸندە:
- اۆتوبەنزين بويىنشا كٶرسەتكٸش 3,24 ملن تونناعا جەتتٸ, ياعني اعىمداعى جىلعى 9 اي جوسپارىنا 101,4%;
- ٶندٸرٸلگەن ديزەل وتىنىنىڭ كٶلەمٸ 3,41 ملن توننا, بۇل ەسەپتٸ ايدىڭ جوسپارىنا 99,1% قۇرايدى;
- ال ەۋە وتىنى بويىنشا كٶرسەتكٸش 308 مىڭ تونناعا تەڭ, بۇل اعىمداعى جىلعى 9 ايدىڭ جوسپارىنا 82,1% قۇرايدى;
- مازۋت ٶندٸرۋ 1,45 ملن توننانى قۇرادى, وسى كٶلەم قاڭتار-قىركٷيەك ايلارىنىڭ جوسپارىنان ارتىق, ياعني 100,9% قۇرايدى;
- بيتۋم ٶندٸرٸسٸ 2020 جىلدىڭ قاڭتار-قىركٷيەك ايلارىنىڭ قورىتىندىسى بويىنشا 813 مىڭ تونناعا جەتتٸ, ياعني ەسەپتٸ ايدىڭ جوسپارىنا 104,7% قۇراپ وتىر.
بٷگٸنگٸ تاڭدا ٸشكٸ نارىق ٶز ەلٸمٸزدە ٶندٸرٸلگەن مۇناي ٶنٸمدەرٸمەن تولىق قامتاماسىز ەتٸلگەن.
«مۇناي-گاز-حيمييا ٶنٸمدەرٸنە توقتالاتىن بولساق, ونىڭ كٶلەمٸ 275,2 مىڭ تونناعا جەتتٸ, بۇل وسى جىلدىڭ 9 ايىنىڭ جوسپارىنان اسىپ, 115,4% قۇرادى», — دەدٸ نوعاەۆ.
ەسەپتٸ كەزەڭدە 77,3 ملرد كۆت.ساعات ەلەكتر ەنەرگيياسى ٶندٸرٸلدٸ, بۇل كٶرسەتكٸش اعىمداعى جىلدىڭ 9 ايىنىڭ جوسپارىنا تەڭ, ياعني 100%. ەلەكتر ەنەرگيياسىن ٶندٸرۋ تٸكەلەي ەنەرگييا تۇتىنۋ كٶلەمٸنە قاتىستى ەكەندٸگٸن ايتا كەتكەن جٶن. ەسەپتٸ كەزەڭدە ٸرٸ اپاتتىق جاعدايلار تٸركەلگەن جوق.
9 ايدا 15 049 توننا كٶلەمٸندە ۋران ٶندٸرٸلدٸ, بۇل ەسەپتٸ ايدىڭ جوسپارىنا 101,5%-عا تەڭ.
قورىتىندىلاي كەلە, نۇرلان نوعاەۆ نەگٸزگٸ كٶرسەتكٸشتەرگە قول جەتكٸزۋ ٷشٸن ەنەرگەتيكا مينيسترلٸگٸ بارلىق قاجەتتٸ جاعدايلاردى جاسايتىنىن اتاپ ٶتتٸ.
