فوتو: مەجٸلٸستٸڭ باسپاسٶز قىزمەتٸنەن
دەپۋتات دانييار قاسقاراۋوۆ بٷگٸن ٶتكەن مەجٸلٸس وتىرىسىندا پرەمەر-مينيسترگە ساۋال جولداپ, الماتىنىڭ ٸرگەسٸندەگٸ اۋىلداردىڭ مەسەلەسٸن كٶتەردٸ. سونىڭ ٸشٸندە قاراساي اۋدانىنا قاراستى كەمەرتوعان ەلدٸمەكەنٸنٸڭ ينفراقۇرىلىمى مٷشكٸل كٷيدە ەكەنٸن ايتىپ, بٸرقاتار تالاپتار قويدى دەپ حابارلايدى "ۇلت اقپارات".
دەپۋتاتتىق ساۋالدىڭ تولىق نۇسقاسى:
قۇرمەتتٸ ولجاس ابايۇلى!
پرەزيدەنتتٸڭ ماڭىزدى شەشٸمٸمەن ەلٸمٸزدە جاڭا ٷش وبلىس پايدا بولدى. ونىڭ ٸشٸندە الماتى وبلىسى ەكٸگە بٶلٸندٸ. بٸزدٸڭ وبلىستا ارنايى الاتاۋ قالاسى بوي كٶتەردٸ. بۇل بٸزدٸڭ ٶڭٸر ٷشٸن پرەزيدەنت تاراپىنان ەدەۋٸر قولداۋ.
دەگەنمەن, ەلٸ دە ٶڭٸرٸمٸزدٸڭ اۋداندارىنداعى ينفراقۇرىلىم مەسەلەلەرٸ شەشٸمٸمٸن تاپپاي وتىر. مىسالى, شالعايداعى اۋداندارىدا ايتپاعاندا, الماتى قالاسىنىڭ ٸرگەسٸندە تۇرعان اتىشۋلى قاراساي اۋدانىنىڭ پروبلەمالالارى شاش ەتەكتەن.
ال ول مەسەلەلەردٸ شەشۋگە نە وبلىس, نە اۋدان, نە اۋىل ەكٸمدەرٸ قۇلىقتى ەمەس. ەربٸر مەسەلەگە تەك سىدىرما جاۋاپ قايتارۋمەن شەكتەلٸپ كەلەدٸ.
مىسالى, سول جەردەگٸ كەمەرتوعان اۋىلىنىڭ ەلەۋمەتتٸك مەسەلەسٸ ۋشىعىپ تۇر. جارىق, جول جەنە سۋعا جارىماعان جۇرتتىڭ تٶزٸمٸ ەبدەن تاۋسىلعان. كەمەرتوعان اۋىلىندا 160-تان استام توق پودستانتسيياسى بار ەكەن.
ونىڭ بارلىعى جەكەمەنشٸكتٸڭ قولىندا. جەر الىپ, ٷي سالعان حالىق ەلەكتر ەنەرگيياسىن قوسۋ ٷشٸن 300-500 مىڭ تەڭگە تٶلەۋگە مەجبٷر. بٸراق تەحنيكالىق تالاپتارعا ساي كەلمەيتٸن جەلٸلەر جيٸ ٷزٸلٸپ, تۇرعىنداردىڭ تۇرمىستىق تەحنيكالارى كٷيٸپ جارامسىز بولۋدا. بۇل مەسەلە بويىنشا پروكۋراتۋرانىڭ ٶزٸ ەرتٷرلٸ زاڭسىزدىقتارعا قاراماستان, ناقتى زاڭدى شەشٸم شىعارا المادى. دەپۋتاتتاردىڭ حاتىنا نەتيجەلٸ جاۋاپ بولمادى.
كەلەسٸ مەسەلە, كەمەرتوعانداعى كٶشەلەردٸڭ توزىعى جەتكەن, مٷلدەم جول جوق دەپ ايتسا بولادى. كەيبٸر كٶشەلەر جەكەمەنشٸكتٸڭ قولىندا. مەسەلەن جاسقىران, شاپاعات كٶشەلەرٸندەگٸ تۇرعىندار ٶز ٷيلەرٸنە كٶشە ارقىلى كٸرٸپ شىعا المايدى. سەبەبٸ كٶشە تٷسۋٸ تيٸس تەلٸمدەر جەكەنٸڭ قولىندا. جەرگٸلٸكتٸ اۆتوكٶلٸك جولدارى, ٶندٸرٸستٸك ايماقتاردىڭ جەرلەرٸ بٶتەن بٸرەۋلەردٸڭ جەر ۋچاسكەسٸ بولىپ كەتكەن.
وعان قوسا, قاراساي اۋدانىنداعى جەر مەسەلەسٸ دە ۋشىعىپ تۇر. ٶكٸنٸشتٸسٸ, سۋ قورعاۋ بەلدەۋلەرٸنٸڭ اۋماعىندا جاپپاي قۇرىلىس ورىن الۋدا, ٸلە-الاتاۋى ۇلتتىق ساياباعىنىڭ قورعاۋ ايماعىندا, مٷردەلەردٸڭ سانيتارلىق قورعاۋ ايماعىندا تۇرعىن ٷيلەر سوعىلۋدا. رەكرەاتسييالىق ايماقتار قىسقارعان.
بۇل تٸكەلەي اۋدان ەكٸمٸنٸڭ جاۋاپكەرشٸلٸگٸ. مەگاپوليستٸڭ ٸرگەسٸندە تۇرعان اۋىل تۇرعىندارىنىڭ پروبلەمالارىن شەشۋگە ٶڭٸردٸڭ ەشبٸر ەكٸمٸ قۇلىقتى ەمەس.
سوندىقتان قاراساي اۋدانىنداعى كٷرمەۋٸ كٶپ مەسەلەنٸ شەشۋ ٷشٸن تٶمەندەگٸدەي تالاپتارىمىز بار:
بٸرٸنشٸدەن, باس پروكۋراتۋرادان - ەلەكتر جابدىقتاۋ ۇيىمىنىڭ 2021-2023 جىلدارداعى شارۋاشىلىق قىزمەتٸن پروكۋرورلىق تەكسەرۋدٸ;
ەكٸنشٸدەن, اۋىل شارۋشىلىعى مينيسترلٸگٸنە اۋدان بويىنشا جەكەمەنشٸككە بەرٸلگەن جەرلەردٸڭ زاڭدىلىعىن قايتا قاراۋدى.
ٷشٸنشٸدەن, جەر كودەكسٸنە جەنە باسقا دا زاڭ اكتٸلەرٸنە سەيكەستٸگٸن جەنە زاڭدىلىعىن انىقتاۋ ماقساتىندا ينسپەكتورلىق تەكسەرٸستٸ اشۋدى تالاپ ەتەمٸن.
سونداي-اق, اتالعان دەپۋتاتتىق ساۋال رەسمي باس پروكۋراتۋرا مەن جەر رەسۋرستارىن باسقارۋ كوميتەتٸنە جولدانعان ارىز دەپ قوسا ەسەپتەلسٸن.
قۇرمەتپەن, دەپۋتات قاسقاراۋوۆ.
