فوتو: Shutterstock
ماروككو كورولٸ VI مۇحاممەد ەلدەگٸ قۋاڭشىلىقتىڭ سالدارىنان مال سانىنىڭ كٷرت ازايۋىنا بايلانىستى بيىلعى قۇربان ايتتا قوي شالۋ رەسٸمٸنەن باس تارتۋعا شاقىردى, دەپ حابارلايدى CNN.
رەسمي مەلٸمەتتەرگە سەيكەس, ماروككوداعى ٸرٸ قارا مەن قوي سانى 2025 جىلعا قاراي سوڭعى توعىز جىلدا بولعان قۇرعاقشىلىقتىڭ ەسەرٸنەن 38%-عا قىسقارعان.
"بۇل دٸني رەسٸمدٸ لايىقتى تٷردە ورىنداۋعا دەگەن نيەتٸمٸز ەلدەگٸ كليماتتىق جەنە ەكونوميكالىق قيىندىقتارمەن ۇشتاساتىن جاۋاپكەرشٸلٸكتٸ تالاپ ەتەدٸ", – دەلٸنگەن كورولدٸڭ حاتىندا. حاتتى دٸن ٸستەرٸ جٶنٸندەگٸ مينيستر احمەد تاوفيك Al Oula مەملەكەتتٸك تەلەارناسىندا وقىدى.
ماروككونىڭ جوعارعى دٸني جەتەكشٸسٸ كورول «قازٸرگٸ قيىن جاعدايلاردا قۇرباندىق شالۋ تابىسى تٶمەن حالىقتىڭ كٶپ بٶلٸگٸنە اۋىر سالماق تٷسٸرەتٸنٸن» اتاپ ٶتتٸ.
ەلدە جاۋىن-شاشىن مٶلشەرٸ سوڭعى 30 جىلداعى ورتاشا دەڭگەيدەن 53%-عا تٶمەن بولعاندىقتان, مالعا ارنالعان جايىلىم جەتٸسپەي, ەت ٶندٸرٸسٸ قىسقارعان. بۇل ٸشكٸ نارىقتا باعانىڭ ٶسۋٸنە جەنە ٸرٸ قارا, قوي مەن قىزىل ەت يمپورتىنىڭ ارتۋىنا سەبەپ بولدى.
"جاقىندا ەل اۋسترالييادان 100 مىڭ قوي ساتىپ الۋ تۋرالى كەلٸسٸمگە قول قويدى", – دەپ حابارلادى CNN.
ماروككو 2025 جىلعى بيۋدجەتٸندە ٸشكٸ نارىقتاعى باعالاردى تۇراقتاندىرۋ ماقساتىندا ٸرٸ قارا, قوي, تٷيە جەنە قىزىل ەتكە يمپورتتىق باج سالىعى مەن قوسىلعان قۇن سالىعىن ۋاقىتشا توقتاتتى.
