فوتو: Dalanews.kz
18 ناۋرىزدا ايتبەك امانگەلدٸ باسپاسٶز-كونفەرەنتسيياسىندا شەرزاتتىڭ ەكەسٸ قارجاۋباي نۇرىموۆتىڭ ادۆوكاتتاردان باس تارتقانىن ايتتى, دەپ حابارلادى Ult.kz Orda.kz باسىلىمىنا سٸلتەمە جاساپ.
ايتبەك امانگەلدٸ بٸر كٷن بۇرىن شەرزاتتىڭ تۋىستارىمەن كەزدەسكەنٸن ايتتى. كەزدەسۋدە شەرزاتتىڭ ەجەسٸ گٷلبار جەنە بەلگٸسٸز بٸر ەيەل بولعان.
ادۆوكاتتار سوت جاقىنداعاندىقتان, جەبٸرلەنۋشٸلەردٸ جاۋاپ الۋعا دايىنداۋ كەرەك دەپ شەشكەن. دەل سول كەزدە قارجاۋباي نۇرىموۆتىڭ ادۆوكاتتاردان باس تارتقانى تۋرالى جاڭالىقتى ەستٸگەن.
«وسى كەزدەسۋدەن كەيٸن ەكٸ ساعاتتان سوڭ ماعان قارجاۋباي حابارلاستى. ول بٸزدٸڭ ادۆوكاتتاردىڭ بەرٸنەن سەنٸمحاتتارىن قايتارىپ الاتىنىن ايتتى. باسقا ادۆوكاتتاردى تاپپاقشى. بٸز بۇل ەرەكەتكە رەاكتسييا بٸلدٸرمەدٸك, سەبەبٸ قارجاۋبايدىڭ مٸنەزٸن بٸلەمٸز. نە بولاتىنىن كٶرەمٸز. كەيٸنگٸ كٷندەرٸ بەلگٸلٸ بولعان اقپاراتتارعا قاراعاندا, ٸسكە بەس جاڭا ادۆوكات كٸرٸسەدٸ. بٸز ٷشٸن نەگٸزگٸ سۇراق – بۇدان كەيٸن نە بولاتىنى», – دەدٸ ول.
ادۆوكات وسى ۋاقىتقا دەيٸن ٸستەلگەن جۇمىستىڭ وسىلاي اياقتالعانىنا رەنٸش بٸلدٸرٸپ, بٸرلەسٸپ جۇمىس ٸستەگەن ەرٸپتەس ادۆوكاتتارىنا العىس بٸلدٸردٸ. سونىمەن قاتار 60 تومنان تۇراتىن قىلمىستىق ٸستٸ وقىپ شىعۋعا از ۋاقىت, از كٷش كەتپەگەنٸن دە ايتتى.
«قارجاۋبايدان سەبەبٸن سۇراعانىمىزدا «بۇل تەلەفونمەن ايتىلانىن ەڭگٸمە ەمەس, ەرتەڭ كەزدەسٸپ بارلىعىن ايتىپ بەرەمٸن» دەپ قىسقا قايىردى. قارجاۋباي 15 تەۋلٸك ۋاقىتشا ۇستاۋ يزولياتورىنان شىققان كەزدە ەشكٸممەن سٶيلەسكٸسٸ كەلمەيتٸنٸن ايتقان بولاتىن. بٸز دە وتباسىنىڭ جانىندا بولىپ ٶز-ٶزٸنە كەلٸپ السىن دەپ ۋاقىت بەرگەن بولاتىنبىز. 18 قاڭتاردان كەيٸن قارجاۋبايدى بٷگٸن كٶردٸك. قازٸرگٸ تاڭدا قارجاۋبايدىڭ وتباسىمەن بٸلٸكتٸ پسيحولوگتار جۇمىس جاساپ جاتىر. الداعى ۋاقىتتا بۇل ٸستٸ كٸم السا دا سەتتٸلٸك تٸلەيمٸز», - دەپ جاۋاپ بەردٸ ايتبەك امانگەلدٸ.
16 جاستاعى شەرزاتتىڭ ٶلٸمٸنە قاتىستى تەرگەۋ اقپان ايىنىڭ سوڭىندا اياقتالعان. رەسمي ورگاندار ٸستٸ ٶتكەن اپتانىڭ سوڭىنا دەيٸن سوتقا جٸبەرەمٸز دەپ مەلٸمدەدٸ.
