Foto: Dalanews.kz
18 naýryzda Aitbek Amangeldi baspasóz-konferentsiiasynda Sherzattyń ákesi Qarjaýbai Nurymovtyń advokattardan bas tartqanyn aitty, dep habarlady Ult.kz Orda.kz basylymyna silteme jasap.
Aitbek Amangeldi bir kún buryn Sherzattyń týystarymen kezdeskenin aitty. Kezdesýde Sherzattyń ájesi Gúlbar jáne belgisiz bir áiel bolǵan.
Advokattar sot jaqyndaǵandyqtan, jábirlenýshilerdi jaýap alýǵa daiyndaý kerek dep sheshken. Dál sol kezde Qarjaýbai Nurymovtyń advokattardan bas tartqany týraly jańalyqty estigen.
«Osy kezdesýden keiin eki saǵattan soń maǵan Qarjaýbai habarlasty. Ol bizdiń advokattardyń bárinen senimhattaryn qaitaryp alatynyn aitty. Basqa advokattardy tappaqshy. Biz bul áreketke reaktsiia bildirmedik, sebebi Qarjaýbaidyń minezin bilemiz. Ne bolatynyn kóremiz. Keiingi kúnderi belgili bolǵan aqparattarǵa qaraǵanda, iske bes jańa advokat kirisedi. Biz úshin negizgi suraq – budan keiin ne bolatyny», – dedi ol.
Advokat osy ýaqytqa deiin istelgen jumystyń osylai aiaqtalǵanyna renish bildirip, birlesip jumys istegen áriptes advokattaryna alǵys bildirdi. Sonymen qatar 60 tomnan turatyn qylmystyq isti oqyp shyǵýǵa az ýaqyt, az kúsh ketpegenin de aitty.
«Qarjaýbaidan sebebin suraǵanymyzda «bul telefonmen aitylanyn áńgime emes, erteń kezdesip barlyǵyn aityp beremin» dep qysqa qaiyrdy. Qarjaýbai 15 táýlik ýaqytsha ustaý izoliatorynan shyqqan kezde eshkimmen sóileskisi kelmeitinin aitqan bolatyn. Biz de otbasynyń janynda bolyp óz-ózine kelip alsyn dep ýaqyt bergen bolatynbyz. 18 qańtardan keiin Qarjaýbaidy búgin kórdik. Qazirgi tańda Qarjaýbaidyń otbasymen bilikti psihologtar jumys jasap jatyr. Aldaǵy ýaqytta bul isti kim alsa da sáttilik tileimiz», - dep jaýap berdi Aitbek Amangeldi.
16 jastaǵy Sherzattyń ólimine qatysty tergeý aqpan aiynyń sońynda aiaqtalǵan. Resmi organdar isti ótken aptanyń sońyna deiin sotqa jiberemiz dep málimdedi.
