قۇرعاقشىلىق سالدارىنان مالدارى قىرىلىپ جاتقان ماڭعىستاۋ ٶڭٸرٸنە اقتٶبە وبلىسىنان جەم-شٶپ جەتكٸزٸلەدٸ. بۇل تۋرالى قر اشم مال شارۋاشىلىعى ٶنٸمدەرٸن ٶندٸرۋ جەنە قايتا ٶڭدەۋ دەپارتامەنتٸنٸڭ ديرەكتورى ەركەبۇلان احمەتوۆ ايتتى, دەپ حابارلايدى قازاقپارات.
«قازٸرگٸ ۋاقىتتا ماڭعىستاۋ وبلىسىندا اۋا رايىنىڭ جاۋىن-شاشىنسىز بولۋىنا بايلانىستى قۇرعاقشىلىق ورىن الىپ وتىر. وسىعان وراي مينيسترلٸك تاراپىنان ارناۋلى جۇمىس توبى قۇرىلدى. جۇمىس توبى 26-30 مامىر ارالىعىندا ماڭعىستاۋ وبلىسىنىڭ بارلىق اۋداندارىن ارالىپ, قالىپتاسقان جاعدايمەن تانىسىپ شىقتى. وسى ايدا مينيسترلٸك تاراپىنان دا, ٷكٸمەت تاراپىنان دا جەدەل ٸس-شارالار قابىلداۋ ماقساتىندا ەكٸمشٸلٸك دەڭگەيدە ارناۋلى شتاب قۇرىلدى. شتابتىڭ نەگٸزگٸ ماقساتى - مال ٶلٸمٸ جەنە مال ازىعى نارىعىندا الىپساتارلىق ورىن الماۋى ٷشٸن جەم-شٶپ جەتكٸزۋ», - دەدٸ ول.
ەركەبۇلان احمەتوۆتٸڭ سٶزٸنە قاراعاندا, شتاب ٶتكەن اپتادا اقتٶبە وبلىسىندا بولىپ, كەلٸسسٶز جٷرگٸزدٸ. كەلٸسسٶز نەتيجەسٸندە ماڭعىستاۋ مەن اقتٶبە وبلىستارى ەكٸمدٸكتەرٸ اراسىندا مەموراندۋم جاسالدى. مەموراندۋم اياسىندا قوبدا, بايعانين, تەمٸر اۋداندارىندا شٶپ شاباتىن شابىندىقتار انىقتالدى. سول جەرلەردەن ماڭعىستاۋلىق فەرمەرلەردٸڭ مالىنا شٶپ جەتكٸزۋ ۇيىمداستىرىلادى.
«سونىمەن قاتار بىلتىرعى جىلدان قالعان 10 مىڭ توننا جوڭىشقانى جەتكٸزۋ مەسەلەسٸ پىسىقتالدى. مۇنان بٶلەك, اقتٶبەلٸك شارۋالاردىڭ جەم-شٶپتٸ تاسىمالداۋ جايى قاراستىرىلدى. قازٸرٸ «كاسپيي» ەكك ارقىلى 204 ملن تەڭگە قاراجات بٶلٸندٸ. قاراجات اتالعان جەم-شٶپتٸ ساتىپ الۋ جەنە تاسىمالداۋ شىعىندارىن جابۋعا جۇمسالادى. ونىڭ ٸشٸندە 54 ملن تەڭگەگە 630 توننا ارپا «ازىق-تٷلٸك كەلٸسٸمشارت كورپوراتسيياسىنان» بٶلٸنەدٸ. قازٸر ساتىپ الۋ رەسٸمدەلٸپ جاتىر. كەلەسٸ اپتاعا دەيٸن ارپانى تەمٸر جولمەن جەتكٸزۋ مەسەلەسٸ شەشٸلەدٸ», - دەدٸ دەپارتامەنت ديرەكتورى.
ونىڭ اتاپ ٶتۋٸنشە, ماڭعىستاۋ وبلىسىندا 536 باس جىلقى ٶلگەن. ۆەتەرينارلىق ورگانداردىڭ ٶكٸلدەرٸ ٶلەكسەلەردٸ كٶمۋ جۇمىستارىن ۇيىمداستىردى. جىلقى ٶلٸم-جٸتٸمٸ نەگٸزٸنەن تٷپقاراعان, ماڭعىستاۋ اۋداندارىندا تٸركەلٸپ وتىر.
«بٷگٸنگٸ ناقتى ماقسات – مال ٶلٸمٸنە جول بەرمەۋ. ول ٷشٸن جەم-شٶپتٸ تەزٸرەك جەتكٸزۋ كەرەك. ماڭعىستاۋ وبلىسىندا ورتاشا تەمپەراتۋرا +35, +40 گرادۋس بولىپ تۇر. كەلگەن شىعىندى انىقتاۋ جۇمىستارى جٷرگٸزٸلٸپ جاتىر», - دەدٸ ول.
