سوڭعى جىلدارى ماڭعىستاۋ وبلىسىندا قۇرعاقشىلىق كٷشەيٸپ, بۇل شارۋا قوجالىقتارىنا قاتتى ەسەر ەتٸپ جاتىر, دەپ حابارلايدى "ۇلت اقپارات".
«جاۋىن-شاشىنىڭ بولماۋى, تاسىمالداناتىن ازىقتىڭ جەتٸسپەۋٸ, ايماقتاعى اپتاپ ىستىق مالعا كٷتٸم جاساۋعا كەرٸ ەسەرٸن تيگٸزٸپ وتىر. ٶتكەن اپتادا وبلىس ەكٸمدٸگٸنٸڭ ۇيىماستىرۋىمەن جۇتاعان مالعا ازىق تاسۋ قولعا الىنا باستادى. جەم-شٶپ قازاقستاننىڭ باسقا ٶڭٸرلەرٸنەن ەكەلٸنٸپ جاتىر. وسى جۇمىستار اياسىندا «كاسپيي» ەلەۋمەتتٸك كەسٸپكەرلٸك كورپوراتسيياسى ارقىلى قاجەتتٸ قاراجات بٶلٸنگەن. سونىمەن قاتار, وبلىس ەكٸمدٸگٸ قوستاناي, باتىس قازاقستان, اقتٶبە وبلىستارىمەن مال ازىعىن جەتكٸزۋ, جايىلىمدار مەن شابىندىق جەرلەردٸ بٶلٸپ پايدالانۋ تۋرالى كەلٸسسٶزدەر جٷرگٸزٸپ جاتىر», دەلٸنگەن ەكٸمدٸك حابارلاماسىندا.
جەرگٸلٸكتٸ ەكٸمدٸكتٸڭ باسپاسٶز قىزمەتٸ بەرگەن مەلٸمەت بويىنشا, وبلىس ەكٸمٸنٸڭ ورىنباسارى عالىمجان نييازوۆ باستاعان جۇمىس توبى اقتٶبە وبلىسىنىڭ العا, بايعانين, مۇعالجار, قوبدا, تەمٸر اۋداندارىنا ارالاپ, جاعدايدى زەردەلەۋدە. ال بەينەۋ اۋدانىنىڭ ەكٸمٸ شارۋا قوجالىقتارىنا كٶمەك كٶرسەتۋ ٷشٸن اقتٶبە وبلىسىنا بارىپ, كٶرشٸ اۋدانداردىڭ باسشىلارىمەن كەلٸستٸ. ال بەينەۋ اۋدانىنىڭ ەكٸمٸ بەينەۋبەك ەبٸلوۆ باستاعان ارنايى دەلەگاتسييا اۋىل شارۋاشىلىعى ماماندارىمەن جەنە دەپۋتاتتارمەن, بايعانين اۋدانىنىڭ ەكٸمٸ قايرات وتاروۆپەن كەزدەسۋ ٶتكٸزٸپ, قۇرعاقشىلىقتىڭ سالدارىن جويۋ ٷشٸن ازىق دايىنداۋعا شٶپ شابۋ, شەكارا ماڭىنداعى اۋدانداردا ماۋسىمدىق جايىلىمداردى پايدالانۋ مەسەلەلەرٸن تالقىلاعان.
دەلەگاتسييانىڭ جۇمىسى كەزٸندە اۋىل اقساقالى راحىم سەمبٸعاليەۆ 1950-1993 جىلدارى شىڭعىرلاۋ سوۆحوزىنىڭ شوپاندارى ەكٸ جاقتى كەلٸسٸم اياسىندا جايلاۋ رەتٸندە جەتٸكاق, كٶلتابان, امان, سارا ەلدٸ مەكەندەرٸن پايدالانعانىن ەسكە الىپ, بۇرىن دا ونداي تەجٸريبە بولعانىن جەتكٸزگەن.
كەزدەسۋ قورىتىندىسى بويىنشا مىناداي كەلٸسٸمدەر جاسالىپ, مەموراندۋم بەكٸتٸلدٸ.
- بەينەۋ اۋدانىنىڭ اۋماعىنا جاتاتىن جەتٸكاق جايىلىمدارىن پايدالاناتىن شارۋاشىلىق يەلەرٸنە تٷسٸنٸستٸكپەن قاراۋ, جەر مەسەلەسٸن زاڭداستىرۋ;
- بايعانين اۋدانىندا شٶپ شابۋ ٷشٸن جارامدى جەر انىقتالعان جاعدايدا بەينەۋ اۋدانىنىڭ شابىندىق بريگادالارىنا جەر بٶلۋ;
- بايعانين اۋدانىنىڭ شارۋاشىلىقتارىنان تيٸمدٸ باعامەن جەمشٶپ ساتىپ الۋ;
- شەكارا ماڭىنداعى اۋدانداردا دالا ٶرتتەرٸنٸڭ سالدارىن بولدىرماۋ, الدىن الۋ جەنە جويۋ.
