فوتو: Egemen.kz
جاڭاٶزەندە 21 اقپاندا قازاقستاننىڭ ەڭ ٸرٸ جەنە تابيعي كٶرٸكتٸ جەرلەرٸنٸڭ بٸرٸ – بوزجىرا شاتقالىندا ۆيزيت-ورتالىق سالۋ مەسەلەسٸ بويىنشا الدىن الا قوعامدىق تىڭداۋلار ٶتتٸ, دەپ حابارلايدى Ult.kz Orda.kz اقپاراتتىق پورتالىنا سٸلتەمە جاساپ.
جوبا اۆتورلارىنىڭ ايتۋىنشا, شاتقالدىڭ جوعارعى بٶلٸگٸندە قازاقى ويۋ-ٶرنەكتەرمەن بەزەندٸرٸلگەن گلەمپينگتەر (تابيعات اياسىندا دەمالۋعا مٷمكٸندٸك بەرەتٸن قوناق ٷي تەرٸزدەس كەمپينگتەر جيىنتىعى - رەد), مۇراجاي, شولۋ الاڭدارى مەن شايحانا بولادى.
تۋريستٸك ورىندارعا جول سالىنىپ, ەلەكتر ەنەرگيياسى تارتىلادى. ورتالىق عيماراتتار جەر بەدەرٸنە بايلانىستى 400-دەن 1000 مەترگە دەيٸنگٸ بيٸكتٸكتە ورنالاسادى. ولار تەرەڭ ٸرگەتاس سالۋدى قاجەت ەتپەيتٸن جەڭٸل قۇراستىرمالى قۇرىلعالار تۇرعىزاتىن بولادى.
«سۋمەن قامتاماسىز ەتۋ, ەلەكتر قۋاتىمەن قامتاماسىز ەتۋ جەنە قالدىقتاردى قايتا ٶڭدەۋ مەسەلەلەرٸ قورشاعان ورتاعا زييان كەلتٸرمەيتٸندەي ەتٸپ شەشٸلدٸ. سارقىندى سۋلاردى تازارتۋ, قالدىقتاردى سۇرىپتاۋ جەنە كٷن ەنەرگيياسىمەن قامتاماسىز ەتۋ ٷشٸن بيوتازالاۋ جٷيەلەرٸ قاراستىرىلعان», - دەپ مەلٸمدەلدٸ قوعامدىق تىڭداۋدا.
سونىمەن قاتار جوبا سەتتٸ جٷزەگە اسسا, 70 جاڭا تۇراقتى جۇمىس ورنى اشىلادى.
«جاقىن ماڭداعى ەلدٸ مەكەندەردٸڭ تۇرعىندارىنا اۋىل شارۋاشىلىعى ٶنٸمدەرٸ مەن حالىقتىڭ قولدانبالى ٶنەر بۇيىمدارىن ساتۋعا مٷمكٸندٸك بەرٸلەدٸ», - دەپ حابارلادى ماڭعىستاۋ وبلىسىنىڭ ەكٸمدٸگٸ.
جاڭا جوبانى شارىن, كٶلساي جەنە ايۋسايداعى ۆيزيتتٸك ورتالىق سالعان, تەجٸريبەسٸ بار قازاقستاندىق كومپانييا جاساعان.
بوزجىرا القابىندا سالىناتىن تۋريستٸك نىسانداردىڭ قۇرىلىسى بٸرنەشە جىلدان بەرٸ ايتىلىپ كەلەدٸ. 2020 جىلدىڭ كٷزٸندە بۇل ماڭدا قوناقٷي سالىنادى دەگەن اقپارات پايدا بولدى. كەيٸن «قوعامداعى تەرٸس پٸكٸرگە» بايلانىستى پرەزيدەنت قاسىم-جومارت توقاەۆ قۇرىلىس جوباسىن قايتا قاراۋدى تاپسىردى.
2022 جىلى ماڭعىستاۋداعى بلوگەرلەر, بەلسەندٸلەر, تۋريستٸك ۇيىم ٶكٸلدەرٸ مەن ەكولوگتار بوزجىرا شاتقالىنىڭ بولاشاعىنا الاڭداۋشىلىق بٸلدٸردٸ. سول كەزدەگٸ مەدەنيەت جەنە سپورت مينيسترٸ دەۋرەن اباەۆ «بوزجىرا جابايى تۋريستٸك ورىنعا اينالدى» دەگەن بولاتىن.
ودان كەيٸن تەۋەلسٸز ەكولوگ كيريلل وسين بۇل ٶڭٸرگە كەلگەن تۋريستەردٸڭ «جابايىلىعى» قورقىنىشتى ەكەنٸن جەنە تابيعاتتى باقىلاۋسىز «قاسكٶيلەر» ارمانسىز ارالاپ, ارتىنان بوزجىرانى ادام كٶرگٸسٸز ەتەتٸنٸن ايتىپ, دابىل قاقتى.
بۇعان دەيٸن قورشاعان ورتانى قورعاۋ مينيسترلٸگٸ قۇرىلىسقا تەك قورشاعان ورتانى قورعاۋ ايماعىنان تىس جەردە عانا رۇقسات ەتٸلەتٸنٸن مەلٸمدەگەن.
بوزجىرا شاتقالى ٷستٸرت قىراتى اۋماعىندا ورنالاسقان. بۇل جەرگٸلٸكتٸ حايۋاناتتار قورىعىنا ەنگٸزٸلگەن جەنە قىزىل كٸتاپقا ەنگەن جانۋارلار مەن قۇستاردىڭ, سونىڭ ٸشٸندە ورتا ازييا بارىسى مەكەندەيتٸن ورتا.
بوزجىرادا پالەوليت دەۋٸرٸنەن ەرتە ورتا عاسىرلارعا دەيٸنگٸ كٶپتەگەن ارحەولوگييالىق ەسكەرتكٸشتەر بار.
2022 جىلى ماڭعىستاۋ وبلىسىنىڭ زييالى قاۋىم ٶكٸلدەرٸ قر پرەزيدەنتٸ قاسىم-جومارت توقاەۆقا بوزجىرا اۋماعىنداعى, بۇعان دەيٸن حالىق اراسىندا داۋ تۋدىرعان جاڭا تۋريزم جوبالارىن قولدايتىندارىن ايتىپ حات تا جازعان بولاتىن.
