قر تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي «ماڭعىشلاق-اقتٶبە» پويىزىنىڭ جٷك ۆاگونىنداعى جارىلىس تۋرالى ايتىپ بەردٸ, دەپ حابارلايدى قازاقپارات.
«14 جەلتوقساندا تاڭعى ساعات 04.30-دا ماڭعىستاۋ وبلىسىنىڭ تٶتەنشە جاعدايلار دەپارتامەنتٸنە بەينەۋ اۋدانىنىڭ اۋماعىندا ورنالاسقان № 464 ايىرىعى اۋدانىندا №109 «ماڭعىشلاق-اقتٶبە» جولاۋشىلار پويىزىنىڭ جٷك تاسىمالداۋ ۆاگونى جانعانى تۋرالى اقپارات كەلٸپ تٷستٸ. بٸزگە بەلگٸلٸ مەلٸمەت بويىنشا, جولاۋشىلار پويىزى 10 ۆاگوننان قۇرالعان, ونىڭ ٸشٸندە 192 جولاۋشى بولعان. ٶرتەنگەن ۆاگون جٷك تاسىمالداۋعا ارنالعان, ول قازپوشتاعا تيەسٸلٸ», - دەدٸ تالعات ۋەلي مينيسترلٸكتەر ٷيٸندە تٸلشٸلەرگە بەرگەن سۇحباتىندا.
وقيعا سالدارىنان 5 ادامدى كٷيٸك شالعان – ەكٸ جولسەرٸك, بٸر ينكاسساتور, بٸر قازپوشتا قىزمەتكەرٸ جەنە ون جاسار بالا.
«زارداپ شەككەندەردٸڭ بارلىعى ٶرتەنگەن ۆاگوننىڭ ٸشٸندە بولعان. الدىن الا سەبەپ بويىنشا, ٶرتكە بەس ليترلٸك گاز باللونىنىڭ جارىلۋى سەبەپ بولعان. جولاۋشىلار پويىزىندا نەمەسە جٷك تاسىمالداۋ ۆاگونىندا گاز باللونىن الىپ جٷرۋگە تىيىم سالىنعان. بۇل – ەرەجە بۇزۋ بولىپ سانالادى.
بالانىڭ جٷك ۆاگونىندا قايدان جٷرگەنٸن بٸز ايتا المايمىز, بۇل سۇراقتى «قازاقستان تەمٸر جولى» كومپانيياسىنا قويۋى كەرەك. بٸز ٶز تاراپىمىزدان بالانىڭ بولعانىن راستايمىز, قازپوشتا قىزمەتكەرٸ 10 جاسار بالاسىن ٶزٸمەن بٸرگە الىپ جٷرگەن. بارلىعى تٷرلٸ دەرەجە كٷيٸك الىپ, بەينەۋ اۋداندىق ورتالىق اۋرۋحاناسىنا جاتقىزىلدى.
سونىمەن بٸرگە, قر تٶتەنشە جاعدايلار مينيسترلٸگٸ بٷلٸنگەن جٷكتٸ قالپىنا كەلتٸرۋ, زارداپ شەككەندەرگە ماتەريالدىق كٶمەك كٶرسەتۋ جەنە قىلمىستىق ٸس قوزعاۋ مەسەلەلەرٸنە جاۋاپ بەرمەيتٸنٸن, ونى ٸشكٸ ٸستەر ميينسترٸگٸ مەن قتج كومپانيياسىنان سۇراۋ كەرەكتٸگٸن ايتتى.
