فوتو: gov.kz
ماڭعىستاۋ وبلىسىنىڭ بەينەۋ اۋدانىنداعى جەر ٷيدە قولدان جاسالعان جىلىتۋ قازاندىعىندا گاز جارىلدى, - دەپ حابارلايدى «ۇلت اقپارات» «قازترانسگاز ايماق» اق-نىڭ قوعاممەن بايلانىس دەپارتامەنتٸنە سٸلتەمە جاساپ.
تٶتەنشە وقيعا اۋدان ورتالىعىندا 3 سەۋٸر كٷنٸ تٷندە تٸركەلٸپ, بٸر ادام قايتىس بولدى.
«جارىلىس سالدارىنان جەكەمەنشٸك ٷي تولىعىمەن قيراپ, بەينەۋ اۋىلىنىڭ تۇرعىنى اۋرۋحانادا كٶز جۇمدى. قايعىلى وقيعا تاڭعا جۋىق بولدى. بۇل تۋرالى «كازترانسگاز ايماق» اق اپاتتىق بريگاداسىنا تٶتەنشە جاعداي قىزمەتكەرٸ حابارلاعان. وقيعا ورنىنا جەتكەن ماماندار ٷيدە قولدان جاسالعان گاز پەشٸ ورناتىلعانىن انىقتادى. اپات تۋرالى اۋداندىق ەكٸمدٸك پەن پوليتسيياعا بٸردەن حابار بەرٸلدٸ. الدىن الا مەلٸمەتتەر بويىنشا, اۋاعا گاز تاراپ, بٶلمە ٸشٸنە تولعان. ٷيدە ورناتىلعان قولدان جاسالعان گاز قازاندىعىنا قاتىستى تەكسەرۋشٸ رتسكۋ مەكەمەسٸ بۇرىن وسى جابدىقتى اۋىستىرۋ تۋرالى ەسكەرتۋ بەرگەن ەكەن. بٸراق ٷي يەلەرٸ ول ەسكەرتۋدٸ ەلەمەگەنگە ۇقسايدى. قايعىلى وقيعا سەبەپتەرٸ تەكسەرٸس قورىتىندىسى بويىنشا انىقتالادى», - دەلٸنگەن دەپارتامەنت تاراتقان مەلٸمەتتە.
بۇعان دەيٸن ماڭعىستاۋ وبلىسىندا گاز قۇبىرى جەلٸسٸندە ٶرت شىعىپ, جارىلىس بولعان ەدٸ.
بەينەۋ اۋدانىندا «ورتالىق ازييا – ورتا ماگيسترالدى گاز قۇبىرى» جەلٸسٸندە جارىلىس وقيعاسىنىڭ سەبەبٸ ايتىلدى.
