«ماڭعىشلاق-اقتٶبە» پويىزىنىڭ جٷك ۆاگونىندا ٶرت شىقتى, دەپ حابارلايدى "ۇلت اقپارات" تجم باسپاسٶز قىزمەتٸنە سٸلتەمە جاساپ.
«14 جەلتوقساندا تاڭعى ساعات 04.30-دا ماڭعىستاۋ وبلىسىنىڭ تٶتەنشە جاعدايلار دەپارتامەنتٸنە بەينەۋ اۋدانىنىڭ اۋماعىندا ورنالاسقان № 464 ايىرىعى اۋدانىندا № 109 «ماڭعىشلاق-اقتٶبە» جولاۋشىلار پويىزىنىڭ جٷك تاسىمالداۋ ۆاگونى جانعانى تۋرالى اقپارات كەلٸپ تٷستٸ», - دەدٸ تجم رەسمي ٶكٸلٸ تالعات ۋەلي.
وقيعا ورنىنا تج دەپارتامەنتٸ, اپاتتار مەديتسيناسى ورتالىعى, «قازمۇنايتەڭٸز» مٶقق جەنە «قتج» كومپانيياسىننان بارلىعى 30 ادام, 7 تەحنيكا جەنە 1 ٶرت پويىزى جٸبەرٸلدٸ. ٶرتتٸڭ باسقا ۆاگوندارعا تارالۋىنا جول بەرمەۋ ٷشٸن ۆاگونى جولاۋشىلار ۆاگونىنان اجىراتىلعان.
«ٶرت سالدارىنان 5 ادام, ونىڭ ٸشٸندە 1 بالا تٷرلٸ دەرەجەدەگٸ كٷيٸك العان. بارلىق زارداپ شەككەندەر جٷك ۆاگونىندا بولعان. زارداپ شەككەندەر بەينەۋ اۋىلىنداعى ورتالىق اۋرۋحاناعا جەتكٸزٸلدٸ», - دەدٸ رەسمي ٶكٸل.
قازٸرگٸ بولجام بويىنشا ٶرتتٸڭ شىعۋىنا جٷك ۆاگونىنداعى گاز باللونىنىڭ جارىلۋى سەبەپ بولعان. ساعات 07.19-دا ٶرت سٶندٸرٸلدٸ, جٷك ۆاگونى تولىعىمەن جانىپ كەتتٸ.
قازٸرگٸ ۋاقىتتا ٸشكٸ ٸستەر ورگاندارى قىزمەتكەرلەرٸ ٶرتەنگەن ۆاگوندى قورشادى, سونداي-اق ٶرتتٸڭ مەن-جايىن انىقتاۋ ٷشٸن ماڭعىستاۋ وبلىسى تج دەپارتامەنتٸنٸڭ ٶرت سٶندٸرۋ زەرتحاناسى جٸبەرٸلدٸ.
ايتا كەتەرلٸگٸ, ساعات 09.18-تە جولاۋشىلار ۆاگوندارى اقتٶبە ستانساسىنا اتتاندىرىلدى.
