ماڭعىستاۋ وبلىسىنداعى 8 جاسار بالا ەمشٸنٸڭ ەمٸنەن كەيٸن بٸر قولىنان ايىرىلدى, دەپ حابارلايدى "ۇلت اقپارات".
17 ماۋسىمدا ماڭعىستاۋ وبلىستىق بالالار اۋرۋحاناسىنىڭ قابىلداۋ بٶلٸمٸنە قىزىلساي كەنتٸنٸڭ تۇرعىندارى سەگٸز جاسار بالاسىن الىپ كەلدٸ. دەرٸگەرلەر شۇعىل تٷردە بالاعا «وڭ قولدىڭ شىنتاققا دەيٸنگٸ گانگرەناسى» دياگنوزىن قويدى. ٶكٸنٸشكە وراي, بالانىڭ وڭ قولىن وپەراتسييا جاساماي الىپ قالۋ مٷمكٸن بولماعان. سوندىقتان وڭ قولدى شىنتاققا دەيٸن امپۋتاتسييالاۋ ٷشٸن حيرۋرگييالىق وپەراتسييا جاساۋعا تۋرا كەلگەن.
اتا-اناسىنىڭ ايتۋىنشا, وپەراتسييادان ەكٸ اپتا بۇرىن بالا ۆەلوسيپەدتەن قۇلاپ قالعان. كەيٸن ونىڭ قولىن سىندىرىپ العانى بەلگٸلٸ بولادى. اتا-اناسى ونى اۋىلداعى ەمشٸگە اپاردى. ەمشٸ بالانىڭ قولىن تاڭىپ تاستاعان. ارادا 10 كٷن ٶتكەندە بالانىڭ قولى قارايىپ جانسىزدانا باستاعانى بەلگٸلٸ بولادى. اتا-اناسى سول كەزدە بٷلدٸرشٸندٸ وبلىستىق بالالار ارۋحاناسىنا الىپ كەلٸپ, دەرٸگەرلەرمەن كٶمەك سۇراعان.
بالالار حيرۋرگٸ قۇرمان قايرانوۆتىڭ ايتۋىنشا, بالانىڭ ٶمٸرٸن ساقتاپ قالۋ ٷشٸن قولدان كەلگەننٸڭ بەرٸن جاساعان. قازٸر بالانىڭ جاعدايى جاقسى.
دەرٸگەر ەگەر بالاعا ۋاقىتىندا مەديتسينالىق كٶمەك كٶرسەتٸلگەندە دەر كەزٸندە امان الىپ قالۋعا بولار ەدٸ دەيدٸ.
