Mańǵystaý oblysyndaǵy 8 jasar bala emshiniń eminen keiin bir qolynan aiyryldy, dep habarlaidy "Ult aqparat".
17 maýsymda Mańǵystaý oblystyq balalar aýrýhanasynyń qabyldaý bólimine Qyzylsai kentiniń turǵyndary segiz jasar balasyn alyp keldi. Dárigerler shuǵyl túrde balaǵa «oń qoldyń shyntaqqa deiingi gangrenasy» diagnozyn qoidy. Ókinishke orai, balanyń oń qolyn operatsiia jasamai alyp qalý múmkin bolmaǵan. Sondyqtan oń qoldy shyntaqqa deiin ampýtatsiialaý úshin hirýrgiialyq operatsiia jasaýǵa týra kelgen.
Ata-anasynyń aitýynsha, operatsiiadan eki apta buryn bala velosipedten qulap qalǵan. Keiin onyń qolyn syndyryp alǵany belgili bolady. Ata-anasy ony aýyldaǵy emshige apardy. Emshi balanyń qolyn tańyp tastaǵan. Arada 10 kún ótkende balanyń qoly qaraiyp jansyzdana bastaǵany belgili bolady. Ata-anasy sol kezde búldirshindi oblystyq balalar arýhanasyna alyp kelip, dárigerlermen kómek suraǵan.
Balalar hirýrgi Qurman Qairanovtyń aitýynsha, balanyń ómirin saqtap qalý úshin qoldan kelgenniń bárin jasaǵan. Qazir balanyń jaǵdaiy jaqsy.
Dáriger eger balaǵa ýaqytynda meditsinalyq kómek kórsetilgende der kezinde aman alyp qalýǵa bolar edi deidi.
