ماڭعىستاۋ تۋۋ كٶرسەتكٸشٸ بويىنشا رەسپۋبليكادا كٶش باستاپ تۇر. جىل سايىن ٶڭٸردە 20 مىڭ بالا دٷنيەگە كەلەدٸ. بيىل ٶڭٸردەگٸ حالىق سانى 27 مىڭعا ٶسٸپ, 707 مىڭ ادامنان استى, دەپ حابارلايدى "ۇلت اقپارات".
ٶڭٸردە دەنساۋلىق سالاسى جاقسى كٶرسەتكٸشپەن دامىپ كەلەدٸ. مەسەلەن, بيىل انا ٶلٸمٸ 3%-عا تٶمەندەپ وتىر. ٶمٸر سٷرۋ ۇزاقتىعى 74,5 جاسقا جەتكەن. جالپى, ٶلٸم كٶرسەتكٸشٸ 2,6%-عا كەمٸدٸ. 10-عا جۋىق وزىق تەحنولوگييامەن جابدىقتالعان جەكە مەنشٸك مەديتسينالىق نىساندار اشىلدى. 2019 جىلى ٶڭٸردە 82 مىڭنان استام ادام اۋرۋحانادا ەمدەلٸپ شىققان, 5 مىڭ ناۋقاسقا وتا جاسالعان. ناۋقاستىڭ تەز ساۋىعۋىنا مٷمكٸندٸك بەرەتٸن تٷرلٸ ەدٸستەر پايدا بولدى. ماڭعىستاۋلىق حيرۋرگتەر جٷرەك, بٷيرەك, ٶكپە, اسقازانعا كٷردەلٸ وتالاردى جاساۋدى مەڭگەردٸ. وبلىستىق اۋرۋحاناداعى بٸر عانا ەندوسكوپييا بٶلٸمٸندە 1 جىلدا 2 مىڭ ادامعا وتا ٸستەلٸپ, سىرقاتىنان ايىقتى.
«وسى 2 مىڭ وپەراتسييانىڭ ٸشٸندە نەگٸزگٸسٸ ەندوسكوپييالىق جولمەن ٸستەلۋدە. وپەراتسييا سانى دا جىل سايىن ارتىپ جاتىر. بٸزدٸڭ بٶلٸمدە كەزەككە ادامدار 1 اي بۇرىن جازىلادى. رەسپۋبليكا ٸشٸندە ەڭ ٷلكەن كٶرسەتكٸش دەۋگە بولادى», - دەيدٸ ۆيدەوەندوسكوپييالىق حيرۋرگييا بٶلٸمٸنٸڭ مەڭگەرۋشٸسٸ تالعات مۇقانتاەۆ.
الداعى ۋاقىتتا وبلىستىق اۋرۋحانادا ٸشكٸ اعزالاردى اۋىستىرۋ وتالارىن جاساۋدى جوسپارلايدى. بۇدان بٶلەك, دەرٸ-دەرمەك مەسەلەسٸ دە تيٸمدٸ شەشٸلگەن. ٶڭٸردە بيىل 3 ملرد تەڭگەگە جۋىق قاراجاتقا 60 مىڭ ناۋقاس تەگٸن ەم-دوم قابىلداعان.
دەنساۋلىق ساقتاۋ سالاسىندا مەسەلە دە جوق ەمەس. سونىڭ بٸرٸ دەنساۋلىق ساقتاۋ نىساندارىن سالۋ. ەكٸنشٸ مەسەلە ماماندار تاپشىلىعى ەلٸ دە بايقالادى.
«مامان تاپشىلىعىنىڭ باستى سەبەبٸ, كادرلار جەكەمەنشٸك مەديتسينالىق مەكەمەلەرگە اۋىسۋدا. 240 مامان جەتٸسپەيدٸ. جالپى تەجٸريبەلٸك دەرٸگەر, نەۆروپوتولوگ, پسيحياتور, اياسى تار سالا ماماندارى جەتٸسپەيدٸ. مامانداردى تارتۋ ٷشٸن بٸر مەسەلە – ولاردى باسپانامەن قامتۋ», - دەيدٸ ماڭعىستاۋ وبلىستىق دەنساۋلىق ساقتاۋ باسقارماسىنىڭ باسشىسى ەنۋار ەلٸمجانوۆ.
